Swivuriso 15:19 - BIBELE Mahungu Lamanene

¹⁹ Ndlela yo lolo yi tlhumile hi mitwa, kasi gondzo ra lowa migingiriko, ri khuleriwile ri basa.

Xitsonga (Bibele)

¹⁹ Ndlela ya lolo i rihlampfu ra mitwa, Kambe ndlela ya lavo lulama i ntila lowu khuriweke.

Swivuriso 15:19 Referans Kwoze

Esaya 35:8

Etikweni ku ta va na gondzo lerikulu, leri nga ta thyiwa Gondzo-ro-Hlawuleka; vanhu lava nga tengangiki va nga ka va nga fambi ha rona, ri ta va ra lavo tenga ntsena, la fambaka ha rona, hambi a nga tivi ndlela, a nga ka a nga lahleki.

Esaya 30:21

Loko mi tshuka mi hambuka endleleni, mi ya exineneni kumbe eximatsini, mi ta twa rito leri taka hi le ndzhaku ka n'wina, ri ku: “Ndlela hi leyi, khomani yona!”

Swivuriso 22:5

Ndlela ya munhu wa mahanyelo yo gombonyoka, yi ni mitwa ni mintlhamu, loyi a hlayisaka vutomi bya yena, wa swi papalata.

Swivuriso 26:13

Lolo ri ri: “Ku ni nghala egondzweni! Endleleni, ku ni dyinghala!”

Swivuriso 22:13

Lolo ri ri: “Ku ni nghala ehandle, loko ndzo huma, ndzi ta dlawa!”

Swivuriso 8:9

eka loyi a twisisaka, marito ya mina ma twala swinene, ni ka loyi a nga ni vutivi, ma le rivaleni.

Pisalema 27:11

We HOSI, ndzi kombe leswi u rhandzaka swona, u ndzi sirhelela lomu ndzi fambaka kona, hikuva ndzi ni valala.

Swivuriso 3:6

Eka hinkwaswo leswi u swi endlaka, tsundzuka HOSI Xikwembu, xi ta ku basisela tindlela.

Pisalema 25:12

HOSI Xikwembu xi komba munhu loyi a xi chavaka ndlela leyi a fanelaka ku hlawula yona.

Pisalema 5:8

HOSI, leswi ndzi nga ni valala, ndzi fambise endleleni ya wena leyo lulama, u yi khulela yi basa emahlweni ka mina.

Esaya 57:14

Ku ta twala munhu la nge: “Boxani gondzo, mi ri lulamisa, susani swikundzu hinkwaswo, leswaku vanhu va mina va ta famba hi rona.”

Swivuriso 15:18

Munhu wa ximbilwa-mbilwana ú pfuxa madzolonga, kasi loyi a tiyiselaka swilo, ú miyeta ku holova.

Swivuriso 15:20

N'wana la tlhariheke ú tsakisa vatswari vakwe, kambe la tiarisaka, wa va sandza.

Swivuriso 6:6

Wena lolo, yana eka vusokoti, u xiyaxiya mahanyelo ya byona, u ta tlhariha.

Swivuriso 11:5

La nga riki na nandzu, ú basiseriwa ndlela hi ku lulama ka yena, kasi lowo homboloka ú wisiwa hi swiendlo swa yena.