Swivuriso 15:1 - BIBELE Mahungu Lamanene

¹ Ku hlamula hi ndlela yo titsongahata, swi rheleta vukari, kasi ku karihela vanhu, swa byi pfurhisa.

Xitsonga (Bibele)

¹ Ku hlamula lokunene ka rheleta vukari, Kambe ku vulavula loku tlhavaka ku pfuxa timholovo.

Swivuriso 15:1 Referans Kwoze

Swivuriso 25:15

U nga heli mbilu loko u khongotela hosi, marito ya wena yo titsongahata ma ta tshova matimba ya vukari bya yona.

Swivuriso 10:12

Rivengo ri pfuxa madzolonga, kambe rirhandzu ri endla leswaku vanhu va rivalelana.

Swivuriso 15:18

Munhu wa ximbilwa-mbilwana ú pfuxa madzolonga, kasi loyi a tiyiselaka swilo, ú miyeta ku holova.

Swivuriso 29:22

Munhu wa ximbilwa-mbilwana, ú vanga madzolonga, ni munhu wo hatla ku kariha, ú pfuxa timholovo.

Swivuriso 28:25

La nga ni makolo, ú vanga madzolonga, kasi munhu loyi a tshembaka HOSI Xikwembu, ú ta dya a xurha.

2 SAMIELE 19:43

Kutani vavanuna va Israele va hlamula vavanuna va Yuda va ku: “Tifanelo ta hina eka hosi ti tlula ta n'wina ka khume; naswona hi vanhu va Davhida ku tlula n'wina! Xana mi hi solela yini? Xana a hi hina hi nga rhanga hi vulavula hi ta ku vuyisa hosi ya hina, xana?” Leswi vuriweke hi vanhu va Yuda, a swi ri ni matimba ku tlula leswi vuriweke hi vanhu va Israele.

1 TIHOSI 12:7

Kutani va n'wi tsundzuxa va ku: “Loko u lava ku pfuna vanhu lava namuntlha ni ku va tirhela, va hlamule hi marito ya tintswalo, kutani na vona va ta ku tirhela masiku hinkwawo.”

2 TIKRONIKA 10:7

Kutani va n'wi tsundzuxa va ku: “Loko vanhu lava wo va komba tintswalo, u vulavula na vona hi marito lamanene, u va tsakisa, na vona va ta ku tirhela minkarhi hinkwayo.”

Ntirho 41:3

Xana yi nga rila eka wena yi kombela ku tsetseleriwa, kumbe yi nga vulavula na wena hi marito yo titsongahata xana?

Swivuriso 29:8

Vasandzi va pfurhisa ndzilo wa madzolonga emutini, kasi lavo tlhariha va rheleta vukari.