Swivuriso 14:8 - BIBELE Mahungu Lamanene

⁸ Vutlhari bya munhu wa miehleketo, byi n'wi komba ndlela, kasi vuphukuphuku bya swiphunta, bya swi kanganyisa.

Xitsonga (Bibele)

⁸ Vutlhari bya la tlhariheke, i ku twisisa ndlela ya yena, Kambe vuhunguki bya xihunguki ku xisa ntsena.

Swivuriso 14:8 Referans Kwoze

Vaefesa 5:17

Hikokwalaho, mi nga vi lavo pfumala mano, kambe ringetani ku twisisa leswi Hosi yi rhandzaka swona.

2 Timotiya 3:13

naswona vanhu lavo biha ni vakanganyisi va ta ya emahlweni va nyanya ku biha, va ri karhi va xisa, na vona va xisiwa.

Yakobo 3:13

Exikarhi ka n'wina, ku nga va ni loyi a tlhariheke, la nga ni vutivi: A a kombe mintirho ya yena hi mahanyelo ya yena lamanene, lama nga ni vutlhari ni ku titsongahata.

Vaefesa 4:22

Hikokwalaho, tshikani mahanyelo ya n'wina ya khale, mi hluvula munhu wa khale loyi a a onhiwa hi mhaka ya ku navela ka yena loku kanganyisaka.

Swivuriso 11:18

Munhu wo homboloka a nga holi swo nyawula, kasi loyi a seketelaka leswo lulama, a nga kanakani hi hakelo ya yena.

Swivuriso 8:20

Gondzo leri ndzi fambaka ha rona ri yisa eka leswo lulama, i ndlela leyi kongomaka emilawini leyinene.

Swivuriso 2:9

Loko u yingisa, u ta twisisa leswi lulameke, u tiva milawu leyinene ni ntiyiso, u tiva ni hinkwaswo leswi lavekaka,

Pisalema 119:73

We HOSI, u ndzi vumbile ni ku ndzi tiyisa hi mavoko ya wena, hikokwalaho ndzi nyike vutlhari, leswaku ndzi ta twisisa swileriso swa wena.

Pisalema 119:5

Ndzi navela ngopfu ku hanya hi ndlela yo tshembeka, ndzi ri karhi ndzi hlayisa milawu ya wena.

Pisalema 111:10

Masungulo ya vutlhari i ku chava HOSI Xikwembu, hinkwavo lava endlaka sweswo va ni ku twisisa. Ku dzuneka ka HOSI a ku na ku hela!

Yeremiya 13:20

We Yerusalema, languta, u vona valala lava taka hi le n'walungwini. Vanhu lava Xikwembu a xi ku nyikile leswaku u va risa kukota ntlhambi wo saseka, va kwihi xana?

Pisalema 143:8

Ndzi tsundzuxe rirhandzu ra wena mixo wun'wana ni wun'wana, hikuva eka wena ndzi hlayisekile. Ndzi kombe ndlela leyi ndzi fanelaka ku famba ha yona, hikuva ndzi tinyiketile eka wena.

1 Vakorinto 3:19

Hikuva vutlhari bya misava leyi i vuhunguki emahlweni ka Xikwembu. Ku tsariwile va ku: “Xikwembu xi phasa tintlhari emanweni ya tona.”

Swivuriso 15:21

Vuphukuphuku byi tsakisa loyi a nga ehleketiki, kasi munhu wo twisisa, ú languta laha a yaka kona ntsena.

Swivuriso 12:5

Makungu ya vanhu lavo lulama i manene, kasi switsundzuxo swa lavo homboloka swa kanganyisa.

Eklesiasta 2:13

Ndzi vonile leswaku vutlhari byi tlula vuphunta, ku fana ni leswi ku vonakala ku tlulaka munyama.

Eklesiasta 2:16

Ntlhari ni xiphunta a va hambananga, va fa hi ndlela yin'we; eminkarhini leyi taka, va nga ka va nga ha tsundzukiwi, hinkwavo va ta hatla va rivariwa.