Swivuriso 14:6 - BIBELE Mahungu Lamanene

⁶ Musandzi ú lava vutlhari, kambe a nga byi kumi, munhu la twisisaka, ú kuma vutivi hi ku olova.

Xitsonga (Bibele)

⁶ Musandzi u lava vutlhari, kambe a nga byi kumi, Kasi mano ma kumeka hi ku olova hi lava nga ni ku twisisa.

Swivuriso 14:6 Referans Kwoze

Yakobo 1:5

Loko un'wana wa n'wina a pfumala vutlhari, a a kombele eka Xikwembu, lexi nyikaka vanhu hinkwavo hi tintswalo, ku nga ri na ku vilela, kutani ú ta nyikiwa byona.

1 Vakorinto 8:2

Loko munhu a ehleketa leswaku ú tiva xa nchumu, a nga si tiva nchumu hilaha a fanelaka ku tiva hakona.

Swivuriso 8:9

eka loyi a twisisaka, marito ya mina ma twala swinene, ni ka loyi a nga ni vutivi, ma le rivaleni.

Yeremiya 8:9

Hikokwalaho vanhu lava vo tlhariha va ta va ni tingana; loko va khomiwa hi valala, va ta hlangana tinhloko. Vutlhari bya vona a byi nga va pfuni nchumu, hikuva va tshikile rito ra mina HOSI.

Esaya 8:20

Leswi vanhu vo tano va swi vulavulaka, swi nge tlhaveli hi sana. N'wina tiyiselani eka leswi mi dyondzisiweke swona, leswi nga ni vumbhoni!

Swivuriso 26:12

Xiphunta xa antswa, ku ri na munhu loyi a tivonaka a tlharihile.

Swivuriso 18:2

Xiphunta a xi tikarhateli ku twisisa mhaka, xo lava ntsena ku tivulavulela swa xona.

Swivuriso 17:24

Munhu loyi a twisisaka, ú tikarhatela ku yingisa swa vutlhari ntsena, kasi miehleketo ya xiphunta yi hangalaka ni misava hinkwayo.

Pisalema 119:18

Ndzi pfule mahlo, ndzi ta vona swihlamariso leswi nga nawini wa wena.

Swivuriso 1:5

Na yena loyi a tlhariheke, loko a swi landza, ú ta dyondza a ya emahlweni. Munhu loyi a twisisaka, ú kuma switsundzuxo,

Swivuriso 14:5

Mbhoni leyi tshembekeke yi vulavula ntiyiso, leyi nga tshembekangiki, a hi ku hemba ka yona!

Swivuriso 14:7

Hambana ni xiphunta, hikuva a xi nga ku dyondzisi nchumu!

Swivuriso 24:7

Xiphukuphuku a xi fikeli laha ku nga ni vutlhari, ehubyeni xi tsandzeka ni ku pfula nomo.

Swivuriso 8:8

Hinkwaswo leswi ndzi swi vulaka swi lulamile, a ku na xin'we xa swona lexi gombonyokeke kumbe ku huma endleleni;

Swivuriso 15:12

Musandzi a nga swi lavi ku tshinyiwa, a nge pfuki a yile eka lavo tlhariha.

Swivuriso 17:16

Xiphunta xi nga va ni mali yo hakelela vutlhari, kambe swi nge xi pfuni nchumu, hikuva a xi na miehleketo.