Swivuriso 14:27 - BIBELE Mahungu Lamanene

²⁷ Ku chava HOSI Xikwembu i xihlovo xa vutomi, lexi ponisaka munhu entlhan'wini wa rifu.

Xitsonga (Bibele)

²⁷ Ku chava Yehovha i xihlovo xa vutomi Ku tingawurisa vanhu emakheleni ya rifu.

Swivuriso 14:27 Referans Kwoze

Swivuriso 13:14

Dyondzo leyi humaka eka lowo tlhariha i xihlovo xa vutomi, lexi nga ponisaka munhu entlhan'wini wa rifu.

Nhlavutelo 21:6

Kutani a ku ka mina: “Swi endlekile! Hi mina Alfa na Omega, ku sungula ni ku hela. Loyi a nga ni torha, ndzi ta n'wi nyika mati ntsena a nga hakeli, ma huma exihlobyeni xa mati ya vutomi.

Esaya 33:6

N'wina va le Yerusalema, hi xona lexi nga ta mi tiyisa emasikwini ya ku hanya ka n'wina, xi ta mi ponisa minkarhi hinkwayo, xi mi nyika vutlhari ni vutivi, ku chava HOSI Xikwembu ri ta va rifuwo ra n'wina lerikulu.

Swivuriso 22:5

Ndlela ya munhu wa mahanyelo yo gombonyoka, yi ni mitwa ni mintlhamu, loyi a hlayisaka vutomi bya yena, wa swi papalata.

Pisalema 18:5

Xivandla xa vafi a xi ndzi phasa-phasile hi tinghole ta xona, rifu a ri ndzi rhiyele ntlhamu wa rona.

Eklesiasta 7:26

Naswona, ndzi kume leswi: Wansati ú tlula rifu hi ku bava: Ú tumbelela vavanuna kukota muhloti; mbilu ya yena i ntlhamu; emavokweni ya yena, wanuna ú le khotsweni! Lava chavaka Xikwembu, va n'wi chupukela, kambe vadyohi va phasiwa hi yena.

Swivuriso 10:27

Munhu la chavaka HOSI Xikwembu ú engeteleriwa masiku ya ku hanya, kambe lavo homboloka va hatla va hundza emisaveni.

Swivuriso 14:26

Ku chava HOSI Xikwembu, swi nyika munhu ku tshemba loku tiyeke, ni vana va yena va ta va ni ndhawu yo tumbela eka yona.

Swivuriso 14:28

Hosi i vanhu, laha ku nga riki na vanhu, vuhosi bya hela.

Swivuriso 19:23

Munhu loyi a chavaka HOSI Xikwembu, ú khome ndlela ya vutomi, kutani ú ta hlayiseka ni makhombo ma nge n'wi humeleli.