Swivuriso 14:26 - BIBELE Mahungu Lamanene

²⁶ Ku chava HOSI Xikwembu, swi nyika munhu ku tshemba loku tiyeke, ni vana va yena va ta va ni ndhawu yo tumbela eka yona.

Xitsonga (Bibele)

²⁶ Exichabyeni xa Yehovha ku ni ku tshemba ka xiviri, Kutani eka vana va yena i xichavelo.

Swivuriso 14:26 Referans Kwoze

Swivuriso 19:23

Munhu loyi a chavaka HOSI Xikwembu, ú khome ndlela ya vutomi, kutani ú ta hlayiseka ni makhombo ma nge n'wi humeleli.

Swivuriso 18:10

HOSI Xikwembu i khokholo lero tiya, leri munhu wo lulama a tsutsumaka a ya tumbela eka rona.

Esaya 33:6

N'wina va le Yerusalema, hi xona lexi nga ta mi tiyisa emasikwini ya ku hanya ka n'wina, xi ta mi ponisa minkarhi hinkwayo, xi mi nyika vutlhari ni vutivi, ku chava HOSI Xikwembu ri ta va rifuwo ra n'wina lerikulu.

Malakiya 4:2

Kambe n'wina lava chavaka vito ra mina, ndzi ta mi komba ntamu wa mina wa ku ponisa; Wu ta fana ni dyambu leri miseve ya rona yi horisaka mavabyi. Mi ta ntshunxiwa mi tlalamba kukota marhole loko ma huma etshangeni.

Pisalema 112:1

Dzunisani HOSI! Ku katekile munhu loyi a chavaka HOSI Xikwembu, la rhandzaka ku endla leswi xi lerisaka swona.

Timhaka 9:31

Enkarhini wolowo, kereke a yi ri ni ku rhula etikweni hinkwaro ra Yudiya, ni ra Galeliya, ni ra Samariya, yi ri karhi yi akisiwa ni ku hanya exichabyeni xa Hosi; kutani a yi andza, yi tiyisiwa hi Moya lowo Kwetsima.

Eklesiasta 7:18

Swa antswa ku hlayisa switsundzuxo leswi, u nga hambani na swona, hikuva lava chavaka Xikwembu, va swi landza hi vumbirhi bya swona.

Genesa 31:42

Loko Xikwembu xa tatana, xona Xikwembu xa Abrahama lexi Isaka a xi chavaka, a xi nga yimanga na mina, wena a wu ta va u ndzi hlongorile ndzi suka eka wena ndzi nga ri na nchumu. Xikwembu xi vonile ku xaniseka ka mina, ni leswi a ndzi tirha swona eka wena, kutani vusiku bya tolo xi ku tshinya.”

Yeremiya 15:11

HOSI Xikwembu xi hlamula xi ku: “Hakunene ndzi ta ku kutsula ndzi ku katekisa, kutani enkarhini wa khombo ni maxangu, ndzi ta endla leswaku valala va titsongahata eka wena.

Swivuriso 14:27

Ku chava HOSI Xikwembu i xihlovo xa vutomi, lexi ponisaka munhu entlhan'wini wa rifu.

Swivuriso 20:7

Munhu wo lulama loyi a endlaka leswi lulameke, ú siyela vana va yena ndzhaka ya minkateko.