Swivuriso 14:17 - BIBELE Mahungu Lamanene

¹⁷ Munhu wa ximbilwa-mbilwana ú endla swilo hi ndlela ya vuphukuphuku, kasi munhu wa miehleketo wa tiyisela.

Xitsonga (Bibele)

¹⁷ Munhu la angwetlaka ku kariha u endla swo hunguka, Wa timhaka ta lunya wa vengiwa.

Swivuriso 14:17 Referans Kwoze

Swivuriso 14:29

Munhu loyi a kotaka ku tiyisela swilo, ú twisisa ngopfu, kasi munhu wa ximbilwa-mbilwana, u nyanya ku paluxa vuphukuphuku bya yena.

Swivuriso 29:22

Munhu wa ximbilwa-mbilwana, ú vanga madzolonga, ni munhu wo hatla ku kariha, ú pfuxa timholovo.

Yakobo 1:19

Tivani leswi, vamakwerhu lava rhandzekaka: Munhu un'wana ni un'wana a a hatlise ku twa, a hlwela ku vulavula, a hlwela ku kariha.

Eklesiasta 7:9

U nga hatlisi ku hlundzuka, hikuva xifafa i xa swiphunta.

Swivuriso 15:18

Munhu wa ximbilwa-mbilwana ú pfuxa madzolonga, kasi loyi a tiyiselaka swilo, ú miyeta ku holova.

Swivuriso 22:24

U nga tshuki u endla xinakulobye ni munhu wa ximbilwa-mbilwana, hambi munhu wa tihanyi, u nga tolovelani na yena,

Swivuriso 16:32

Loyi a hlwelaka ku hlundzuka, ú tlula nghwazi, munhu la kotaka ku tikhoma, ú tlula loyi a hlulaka miti.

Esaya 32:7

Miehleketo ya mukanganyisi yi bihile, ú endla makungu layo homboloka, leswaku a ta onha timhaka ta swisiwana hi mavunwa, a swi kaneta hambiloko swi nga ri na nandzu.

Swivuriso 12:16

Xiphukuphuku xi hatla xi komba ku khunguvanyeka ka xona, kambe munhu loyi a ehleketaka, wa swi kota ku tikhoma, loko a rhuketeriwa.

Swivuriso 12:2

Munhu lonene, HOSI Xikwembu xa n'wi tsakela, kambe munhu wa makungu layo biha, xa n'wi avanyisa.

Swivuriso 6:18

ni munhu wa miehleketo yo homboloka, ni la tsutsumaka-tsutsumaka a endla leswo biha,

Estere 3:6

Leswi a a twile leswaku Mordekayi i wa rixaka ra Vayuda, a nga tsakelanga ku dlaya yena ntsena, kambe a endla makungu ya ku dlaya Muyuda un'wana ni un'wana, hinkwako lomu hosi Ahasuwerusi a fumaka kona.

2 TIHOSI 5:12

Xana mati ya milambu ya ka hina Abana na Paripari le Damaska a ma tluli mati ya milambu hinkwayo ya Israele, xana? Xana a ndzi nga ta va ndzi hlambile emilambyeni ya le kaya, ndzi basa xana?” Kavaloko a suka a famba a hlundzukile ngopfu.

Swivuriso 14:16

La tlhariheke wa xiyaxiya, a papalata leswo biha, kambe xiphunta xi ni magugu, xi wela swilo ehenhla.

Swivuriso 14:18

Hakelo ya vanhu vo kala mano, i vuphukuphuku, kasi vutivi i harhi enhlokeni ya lava nga ni miehleketo.

Swivuriso 20:3

Munhu la tikhomaka loko va n'wi pfuka, wa xiximiwa, swiphukuphuku swona swi tshamela ku lwisa van'wana.