Swivuriso 14:14 - BIBELE Mahungu Lamanene

¹⁴ Loyi a nga ni mahanyelo yo biha, ú tshovela mihandzu ya swiendlo swa yena, na yena lonene, ú vuyeriwa hi mihandzu ya mintirho ya yena.

Xitsonga (Bibele)

¹⁴ Wa mbilu leyi tidyelelaka u ta phiriwa hi mikhuva ya yena, Kambe la lulameke u ta xurha hi leswi nga embilwini ya yena.

Swivuriso 14:14 Referans Kwoze

Vagalatiya 6:8

loyi a byalaka swo tsakisa ntumbuluko wa yena wa nyama, ú ta tshovela leswo bola leswi humaka eka ntumbuluko wa yena wolowo; kambe loyi a byalaka swo tsakisa Moya, ú ta tshovela leswi humaka eka Moya, byi nga vutomi lebyi nga heriki.

Swivuriso 12:14

Munhu ú kuma hakelo leyinene ya marito ya yena, mintirho ya mavoko ya yena ya n'wi vuyerisa.

Vaheveru 3:12

Vamakwerhu, tivoneleni leswaku ku nga vi na un'we exikarhi ka n'wina la nga ni mbilu yo biha, leyi nga riki na ku pfumela, kutani a hambukela kule ni Xikwembu lexi hanyaka.

Yeremiya 8:5

Vanhu lava va Yerusalema va tiarisela yini, hikwalaho ka yini va tshamela ku tinonon'whisa ke? Va namarhela swikwembu swa hava, va ala ku hundzuka!

Vagalatiya 6:4

Un'wana ni un'wana a a kambisise ntirho wa yena, ku ri kona laha a nga kotaka ku tidzunisa hi swa yena, ku nga ri hi swa un'wana;

Yohane 4:14

Kambe un'wana ni un'wana la nwaka mati lawa ndzi nga ta n'wi nyika wona, a nga ka a nga ha tlheli a twa torha ni siku ni rin'we; kambe mati lawa ndzi nga ta n'wi nyika wona, ma ta va eka yena xihlovo xa mati lama pfelelaka, ku yisa evutomini lebyi nga heriki.”

Yeremiya 2:19

Vubihi bya n'wina ni ku tiarisa ka n'wina, swi ta mi vangela ku biwa mi twa ku vava, kutani mi ta swi tiva ni ku swi vona leswaku ku tshika HOSI Xikwembu xa n'wina i mhaka leyo biha leyi dyisaka mbitsi. Ni ku ndzi chava, a ma ha ndzi chavi! Yi vula sweswo HOSI ya matimba hinkwawo, N'wini wa n'wina.

Sofoniya 1:6

Ndzi ta ba lava va ndzi fularhelaka mina HOSI, vona lava va nga ndzi laviki, lava nga rhandziki ku vutisa nchumu eka mina.”

Yeremiya 17:5

HOSI Xikwembu xi vurisa sweswo xi ri: “Ú ni khombo munhu loyi a tshembaka munhu-kulobye, a tiseketela hi xivumbiwa xa nyama ni ngati, loyi miehleketo ya yena yi ndzi fularhelaka!

Swivuriso 14:10

Mahlomulo ma twa hi n'winyi wa wona, ni ntsako wa yena wu nga ka wu nga twi hi un'wana.

2 Vakorinto 1:12

Ku tidzunisa ka hina hi loku: Ripfalo ra hina ri hi byela leswaku hi hanyile exikarhi ka vanhu hi ku lulama ni ku tenga loku humaka eka Xikwembu, ngopfu-ngopfu loko hi tirhisana na n'wina. Hi hanyile ku nga ri hi vutlhari bya misava leyi, kambe hi tintswalo ta Xikwembu.

Hosiya 4:16

Hakunene vanhu va Israele va tinonon'hwisa, va fana ni thokazi ro karhata; xana HOSI Xikwembu xi nga va yisa emadyelweni lamanene wonge hiloko va ri swinyimpfana, ke?

Ezekiele 22:31

Hikokwalaho ndzi chululerile vukari bya mina ehenhla ka vona; ndzi va herisile hi ndzilo wa ku hlundzuka ka mina, ndzi va ba hikwalaho ka swiendlo swa vona. Ndzi vula sweswo mina HOSI N'wini wa hinkwaswo.”

Pisalema 109:17

A a swi tsakela ku rhukana van'wana. Sweswi a ku rhukaniwe yena! A a nga naveleli van'wana minkateko. Sweswi a yi ve kule na yena!

Swivuriso 9:12

Loko u tlharihile, swi ta pfuna wena n'wini, loko u sandza, hi wena u nga ta twa ku vava.

Swivuriso 12:21

Lowo lulama a nga weli hi khombo, kasi lavo homboloka va rhendzeriwa hi maxangu.

Swivuriso 14:15

Munhu wo kala mano, ú pfumelela hinkwaswo, kasi munhu wa miehleketo, ú languta ntsena lomu a kongomaka kona.

Swivuriso 18:20

Munhu ú kuma hakelo leyinene ya marito ya yena, leswi a swi vulavulaka, swa n'wi vuyerisa.