Swivuriso 14:11 - BIBELE Mahungu Lamanene

¹¹ Yindlu ya munhu wo homboloka yi ta hahluriwa, kasi dladla ra munhu wo tshembeka ri ta katekisiwa.

Xitsonga (Bibele)

¹¹ Yindlu ya lavo biha yi ta handziwa, Kambe xitsongana xa lavo lulama xi ta tiya.

Swivuriso 14:11 Referans Kwoze

Swivuriso 3:33

HOSI Xikwembu xi vanga makhombo endlwini ya lowo homboloka, kambe emitini ya lavo lulama, xi nghenisa minkateko;

Swivuriso 12:7

Lavo homboloka va wela makumu, va nyamalala, kasi miti ya lavo lulama ya tiya.

Zakariya 5:4

HOSI ya matimba hinkwawo yi vurisa sweswo yi ri: “Buku leyi, ndzi ta yi rhumela, yi ta ya nghena emutini wa munhu loyi a yivaka, yi tlhela yi nghena emutini wa loyi a hlambanyaka mavunwa hi vito ra mina, kutani yi ta tshama emutini wolowo, yi tlhela yi herisa hinkwaswo leswi nga ka wona, ku katsa ni timhandze ni maribye.”

Swivuriso 21:12

Munhu loyi a lulameke, ú xiyaxiya muti wa lavo homboloka: Lavo homboloka va wiseriwa ehansi va nyamalala.

Ntirho 21:28

hikuva mi ri: ‘Yi kwihi yindlu ya nganakana, ntsonga wa lowo homboloka wu kwihi xana?’

Swivuriso 21:20

Mafurha ni xuma lexinene, swi kumeka emutini wa munhu wo tlhariha, kasi xiphunta xi hatla xi dya, xi heta.

Swivuriso 11:28

Loyi a tshembaka rifuwo ra yena, ú ta wa, kambe lowo lulama ú ta tsaka ku fana ni murhi lowu hlukaka.

Ntirho 8:15

va tiseketela hi makhumbi ya tindlu ta vona, kambe wona ma wa, va ma khoma, kambe ma mbundzumuka!

Pisalema 128:3

Emutini wa wena, nsati wa wena ú ta fana ni murhi wa vhinya lowu vekaka mihandzu leyo tala. Vana va wena va xinuna va ta fana ni swihluke swa murhi wa mutlhwari, loko va tshama na wena eswakudyeni.

Ntirho 18:21

Hi kona ku hela ka muti wa lowo homboloka, ndhawu ya loyi a nga tiviki Xikwembu yi herisa sweswo!”

Ntirho 15:34

Hakunene, ku tolovelana ni lava sandzaka Xikwembu, a swi tisi minkateko; la pfumelaka ku xaviwa, ú ta tshwela hi tindlu.

Ntirho 8:6

Loko hakunene u ri munhu wo lulama la tshembekaka, xi nge hlweli ku tikomba, xi ku lwela, xi ku tlherisela exiyin'weni xa wena xa khale;

Swivuriso 15:25

HOSI Xikwembu xi mbundzumuxa miti ya lava tikurisaka, kambe xi sirhelela noni ni swilo swa yona.

Ntirho 8:22

Lava va ku vengaka va ta khoma hi tingana, miti ya lavo homboloka yi ta nyamalala.”

Pisalema 37:10

Ku nga ri khale, lavo homboloka va ta nyamalala, u ta va lava endhawini ya vona, kambe u nge va kumi.