Swivuriso 13:25 - BIBELE Mahungu Lamanene

²⁵ Munhu wo lulama ú dya a xurha, khwiri ra lowo homboloka rona, ri etlela ni ndlala.

Xitsonga (Bibele)

²⁵ Munhu wo lulama u dya a xurha swinene, Loko ma ri makhwiri ya lavo biha, ma twa ndlala.

Swivuriso 13:25 Referans Kwoze

Pisalema 34:10

Tinghala ti nga ha pfumala swakudya, ti twa ndlala, kambe lava lavaka HOSI Xikwembu, a va nga pfumali xilo ni xin'we lexo saseka.

Swivuriso 10:3

HOSI Xikwembu a xi tshiki lowo lulama a sika, kambe xi tsona lavo biha leswi va swi navelaka.

Vaheveru 13:5

Mi nga fumiwi hi mali eku hanyeni ka n'wina, kutani mi kolwa hi leswi mi nga na swona, hikuva Xikwembu xi te: “Ndzi nga ka ndzi nga ku tshiki, kumbe ku ku cukumeta, ni siku ni rin'we.”

1 Timotiya 4:8

hikuva hambiloko ku chuka-chukisa miri ku ri loku ku pfunaka hi matlhelo man'wana, vukhongeri byi pfuna hi matlhelo hinkwawo, naswona byi tshembisa vutomi bya nkarhi lowu, ni bya lowu taka.

Swivuriso 6:11

Kasi hi loko vusiwana byi nghenile kukota xi-ta-xi-famba, ni vusweti ku fana ni xigevenga.

Duteronoma 32:24

Ndlala yi ta va heta matimba, ku hisa ka miri ni mintungu leyi dlayaka swi ta va herisa; ndzi ta va rhumela swivandzana swi va kavatlulela, ni swikokovi leswa vuxungu swi ta va lumetela.

2 Vatesalonika 3:10

Hikuva loko ha ha ri na n'wina, hi mi nyikile xileriso lexi nge: “Un'wana ni un'wana loyi a nga laviki ku tirha, ni ku dya a nga dyi!”

Swivuriso 24:34

vusiwana byi to nghena kukotisa khamba, ni vusweti ku fana ni xigevenga.

Pisalema 37:16

Leswitsanana leswi munhu wo lulama a nga na swona, swi tlula rifuwo ra vanhu vo tala lavo homboloka;

Pisalema 37:3

Wena tshemba HOSI, u endla leswinene, kutani u ta tshamiseka etikweni, u nga chavisiwi hi nchumu.

Duteronoma 28:48

hikokwalaho mi ta tirhela valala va n'wina lava HOSI Xikwembu xi nga ta va rhumela ku lwa na n'wina. Mi ta fa hi ndlala, ni torha, ni vusweti, mi pfumala hinkwaswo; xi ta mi tlhandleka joko ra nsimbhi xi kondza xi mi herisela makumu.

Luka 15:14

Loko a dyile hinkwaswo, ku wa ndlala leyikulu etikweni rero, kutani a sungula ku pfumala.

Pisalema 103:5

Xi ndzi phamela leswinene, kutani ndzi tiyile; vuntshwa bya mina bya pfuxetiwa, onge ndzi ngo haha kukota gama.

Pisalema 132:15

Muti lowu ndzi ta wu katekisa ngopfu ndzi wu nyika swakudya, swisiwana leswi nga ka wona swi ta dya swi xurha.

Swivuriso 13:18

Loyi a alaka ku layiwa, ú tivangela vusiwana ni tingana, kasi loyi a pfumelaka ku tshinyiwa, wa dzunisiwa.