Swivuriso 13:21 - BIBELE Mahungu Lamanene

²¹ Makhombo ma wela vadyohi, kambe lavo lulama va hakeriwa hi leswinene.

Xitsonga (Bibele)

²¹ Makhombo ma landzela vadyohi, Kambe mikateko i hakelo ya lavo lulama.

Swivuriso 13:21 Referans Kwoze

Pisalema 32:10

Vanhu lavo homboloka va wela hi maxangu layo tala, kambe lava tshembaka HOSI Xikwembu, va sirheleriwa hi rirhandzu ra xona lero tshembeka.

Swivuriso 13:13

Loyi a solaka switsundzuxo, ú tivangela rifu, kasi loyi a yingisaka nawu, wa vuyeriwa.

Pisalema 140:11

Lava hembelaka van'wana, a va herisiwe etikweni, vanhu va tihanyi a va hatlise va wela ekhombyeni.

Tinhlayo 32:23

Kambe loko mi nga endlisi sweswo, mi ta va mi dyoherile HOSI Xikwembu; kutani mi swi tiva leswaku mi ta xanisekela swidyoho swa n'wina.

Genesa 4:7

Xana loko wo endla leswinene, u nge tsakeriwi xana? Loko u nga endli leswinene, xidyoho xi ta ku bvutamela enyangweni, xi navela ku ku bvanyangeta, kambe u fanele ku xi hlula.”

Timhaka 28:4

Loko vaaki va xihlale va vona nyoka leyi yi ri karhi yi lengalenga evokweni ra Pawulo, va byelana va ku: “Munhu loyi i mudlayi hakunene; hambiloko a ponile ematini, Tilo a ri nga pfumeri leswaku a hanya.”

Pisalema 54:5

ú ta ba valala va mina a va bela vubihi bya vona. We Xikwembu, leswi u tshembekeke, va herise va ku bi!

Swivuriso 11:31

Leswi munhu wo lulama a kumaka hakelo ya mintirho ya yena emisaveni, xana lavo homboloka ni vadyohi, va nge yi kumi ya vona hakelo xana?

Swivuriso 17:13

Loyi a nga ni tihanyi eka lava n'wi endleleke leswinene, khombo a ri nga suki emutini wa yena.

Esaya 47:11

Kambe u ta humeleriwa hi leswo biha, leswi u nga ta ka u nga koti ku swi sivela; u ta weriwa hi khombo, leri u nga ta tsandzeka ni ku tisirhelela eka rona; leswo chavisa, leswi u nga si tshamaka u swi vona, swi ta ku fikela u nga ehleketanga nchumu.

Swivuriso 24:16

hikuva munhu la lulameke, hambiloko o wa ka 7, ú tlhela a pfuka, kambe loko khombo ri fika, lavo homboloka va khuguka va wela makumu.

Ezekiele 7:5

HOSI N'wini wa hinkwaswo ú vurisa sweswo ú ri: “Khombo lerikulu ra ta, ri le ndleleni.