Swivuriso 13:20 - BIBELE Mahungu Lamanene

²⁰ Loyi a tolovelanaka ni lavo tlhariha, wa tlhariha, kambe munghana wa swiphunta, ú ta wela ekhombyeni.

Xitsonga (Bibele)

²⁰ La fambaka ni tintlhari u ta tlhariha, Kambe la tolovelaka swihunguki u ta onhaka.

Swivuriso 13:20 Referans Kwoze

Swivuriso 15:31

Loyi a nkhensaka ku tshinyiwa, ú ta hanya; loko a ri exikarhi ka lavo tlhariha, ú ta titwa a ntshunxekile.

Swivuriso 9:6

Hambana ni lavo pfumala vutivi, u ta hanya, tekelela mahanyelo ya lava twisisaka.”

Nhlavutelo 18:4

Kutani ndzi twa rito rin'wana leri humaka etilweni ri ku: “N'wina vanhu va mina, humani mi n'wi siya, leswaku mi ta kala mi nga ngheni eswidyohweni swa yena, mi ta kala mi nga weriwi hi maxangu ya yena,

Pisalema 119:63

Ndzi twanana ni hinkwavo lava va ku chavaka, lava hlayisaka swiletelo swa wena.

Vaheveru 10:24

A hi laveni tindlela to pfuxana, hi kombana rirhandzu ni mintirho leyinene.

Malakiya 3:16

Kutani vanhu lava chavaka HOSI Xikwembu, a va vulavula swin'we. Hiloko HOSI Xikwembu xi rhiya ndleve xi va yingisa, kutani ku tsariwa buku emahlweni ka xona, yo tsundzuka hinkwavo lava chavaka HOSI Xikwembu, lava xiximaka vito ra xona.

Timhaka 2:42

A va chivirikela ku dyondzisiwa hi vaapostola, ni ku hlengeletana, ni ku phema xinkwa, ni ku khongela.

1 TIHOSI 12:8

Kambe Rhobuwamu a bakanya leswi vakulukumba lava va n'wi tsundzuxeke swona, kutani a ya kanela mhaka ni tintangha ta yena, ma nga majaha lama nghenaka huvo ya yena.

Swivuriso 7:27

Yindlu ya yena i ndlela yo ya exivandleni xa vafi, yi rhelela yi kongoma etindlwini ta rifu.

1 TIHOSI 12:10

Tintangha leti ta Rhobuwamu ti n'wi hlamula ti ku: “Vanhu vala va vula leswaku tata wa wena ú tikisile mpingu wa vona, kutani va kombela leswaku wena u va vevukisela wona. Hiswona, wena u ta va hlamurisa leswi u ku: ‘Xintihwana xa mina xi bumburile ku tlula xisuti xa tatana.

2 TIKRONIKA 19:2

Kambe Yehu n'wana muprofeta Hanani a ya hlanganisa hosi Yoxafati, a ku ka yena: “Xana u endlile swona, loko u pfumerile ku pfuna vanhu lavo homboloka lava vengaka HOSI Xikwembu, xana? E-e! Hikokwalaho HOSI Xikwembu xi ta ku hlundzukela xi ku ba.

Genesa 14:12

Lota n'wana makwavo wa Abrama a a tshama eSodoma, kutani va n'wi khoma va famba na yena ni swilo swa yena hinkwaswo.

1 TIHOSI 22:4

Hiloko Akabu a vutisa Yoxafati a ku: “Xana hi nga ya swin'we hi ya hlasela Ramoto-Giliyadi ke?” Yoxafati a hlamula hosi ya Israele a ku: “Mina na wena, hi van'we; vanhu va mina i va wena, tihanci ta mina i ta wena.”

1 TIHOSI 22:32

Kutani loko vafambisi va makalichi va vona Yoxafati, va byelana va ku: “Hakunene loyi, hi yena hosi ya Israele.” Hiloko va ya, va ya lwa na yena, kambe Yoxafati a tlhava mukhosi.

2 TIKRONIKA 10:8

Kambe Rhobuwamu a bakanya leswi vakulukumba lava va n'wi tsundzuxeke swona, kutani a ya kanela mhaka ni tintangha ta yena, ma nga majaha lama nghenaka huvo ya yena.

2 TIKRONIKA 22:4

Ahaziya a endla leswo biha emahlweni ka HOSI Xikwembu, ku fana ni va ka Akabu, hikuva endzhaku ka loko tata wa yena a lovile, va ka Akabu a va n'wi komba tindlela leto biha, va n'wi dlayisa.

Swivuriso 13:19

Loko munhu a kuma leswi a swi navelaka, wa tiphina, kambe ku hambana ni leswo biha, swa yila eka xiphunta.

Swivuriso 14:7

Hambana ni xiphunta, hikuva a xi nga ku dyondzisi nchumu!

Swivuriso 22:24

U nga tshuki u endla xinakulobye ni munhu wa ximbilwa-mbilwana, hambi munhu wa tihanyi, u nga tolovelani na yena,

Swivuriso 22:25

hikuva u nga tekelela mikhuva ya yena, kutani u wela entlhan'wini.