Swivuriso 13:10 - BIBELE Mahungu Lamanene

¹⁰ Ku tikurisa, swi vanga madzolonga ntsena, kasi vutlhari i bya lava pfumelaka ku tsundzuxiwa.

Xitsonga (Bibele)

¹⁰ Ku tikukumuxa ku humesa ku hambana; Kambe vutlhari byi le ka lava pfumelaka ku tsundzuxiwa.

Swivuriso 13:10 Referans Kwoze

Swivuriso 19:20

Yingisa switsundzuxo, u amukela ni swiletelo, leswaku u ta kuma vutlhari lebyi nga ta ku pfuna eminkarhini leyi taka.

Swivuriso 17:14

Ku sungula ka mhaka, swi fana ni ku ndlandlamuka ka mati loko nambu wu tala, hikokwalaho, suka u famba timhaka ti nga si biha.

Yakobo 4:1

Tinyimpi ti vangiwa hi yini, ni ku lwa exikarhi ka n'wina ku vangiwa hi yini? Xana a swi vangiwi hi ku navela ka n'wina ka ku titsakisa, loku pfuxaka tinyimpi eswirhweni swa n'wina, xana?

1 Timotiya 6:4

munhu yoloye ú tela hi manyunyu ni ku tikukumuxa, a nga tivi nchumu. Ú fa hi ku navela ku phikisana ni ku kanetana ehenhla ka marito ntsena, swi nga leswi vangaka vukwele, ni madzolonga, ni ku rhuketelana, ni ku lumbetana;

Luka 22:24

Kutani ku humelela ku kanetana exikarhi ka vona ku ta tiva loyi a nga ta langutiwa a ri lonkulu ka vona.

Swivuriso 25:8

Loko u vona swilo, u nga tsutsumeli ku ya mangala, hikuva loko muakelani wa wena a ku kaneta, u ta endla yini xana?

Swivuriso 21:24

Munhu wa manyunyu, loyi a tikurisaka ngopfu ni ku langutela van'wana ehansi, ú vuriwa “musandzi”.

Swivuriso 20:18

Makungu ma tiya hi switsundzuxo, ni nyimpi yi lwiwa hi swiletelo swa vutlhari.

2 TIHOSI 14:10

Na wena Amasiya, u hlurile Vaedomu, kutani u tikurisa ha swona. Hiswona, tidzunise, kambe tshama ekaya ka wena: Hikwalaho ka yini u lava ku ntlhontlha mimpfi ke? Swi ta ku wisa, swi wisa ni tiko ra wena ra Yuda.”

1 TIHOSI 12:16

Loko Vaisraele hinkwavo va vona leswaku hosi Rhobuwamu a nga lavi ku va yingisa, va n'wi hlamula va ku: “I ncini xi nga xa hina erixakeni ra Davhida? Ku hava ndzhaka ya hina endyangwini wa n'wana Yese. Tlhelelani emakaya, vavanuna va Israele! Sala u langutela swa ndyangu wa wena, we Davhida.” Kutani Vaisraele va tlhelela emakaya.

Vaavanyisi 19:30

A lerisa lava a va rhumaka leswaku va vutisa Muisraele un'wana ni un'wana, va ku: “Xana ku sukela siku Vaisraele va humeke etikweni ra Egipta ku fika namuntlha, mhaka yo tani yi tshama yi humelela, kumbe mi tshama mi yi vona xana? Mhaka leyi mi fanele ku yi kanela mi tsundzuxana ha yona, kutani mi boxa leswi mi swi boheke.” Kutani hinkwavo lava vonaneke ni varhumiwa va ku: “Mhaka leyi a yi si tshama yi humelela, naswona a hi si tshama hi vona yo fana na yona, hi mpfhuka Vaisraele va huma etikweni ra Egipta, ku fika namuntlha.”

Swivuriso 13:9

Rivoni ra lavo lulama ri pfurha minkarhi hinkwayo, kambe ra lavo homboloka ri ta timeka.

Swivuriso 13:11

Rifuwo leri kumiwaka hi siku rin'we, a ri hlweli ku dzudzeka, kasi leri taka hi kutsongo-tsongo, ra khomelela.

Swivuriso 28:25

La nga ni makolo, ú vanga madzolonga, kasi munhu loyi a tshembaka HOSI Xikwembu, ú ta dya a xurha.