Swivuriso 12:5 - BIBELE Mahungu Lamanene

⁵ Makungu ya vanhu lavo lulama i manene, kasi switsundzuxo swa lavo homboloka swa kanganyisa.

Xitsonga (Bibele)

⁵ Meehleketo ya lavo lulama yi sasekile, Kambe makungu ya lavo biha hi lama kanganyisaka.

Swivuriso 12:5 Referans Kwoze

Esaya 55:7

Lavo homboloka a va tshike mahanyelo ya vona layo biha, ni lava nga lulamangiki a va cukumete kule miehleketo leyo biha leyi va nga na yona; hinkwavo a va tlhelele eka HOSI Xikwembu xa hina, kutani xi ta va twela vusiwana, xi va rivalela swidyoho swa vona hinkwaswo.

Pisalema 139:23

Ndzi kambisise we HOSI, u vona leswi nga mbilwini yanga. Ndzi kambele, kutani u ta tiva leswaku ndzi anakanya yini.

Yeremiya 4:14

HOSI Xikwembu xi ri: “We Yerusalema, hlantswa mbilu ya wena u tshika leswo homboloka, leswaku u ta pona. Xana u ta namarhela miehleketo ya wena leyo biha ku ya fika rini xana?

2 Vakorinto 4:2

Hi tshikile mintirho hinkwayo ya munyama ni ya tingana; a hi hanyi hi ku xisetela vanhu; a hi soholoti Rito ra Xikwembu; kambe hi humesela ntiyiso erivaleni, kutani hi tikomba hi ri lava nkhensekaka eripfalweni ra un'wana ni un'wana, ne mahlweni ka Xikwembu.

1 Vakorinto 4:5

Hikokwalaho mi nga avanyiseli nchumu makumu, nkarhi wu nga si fika. Yimelani Hosi yi ko yi vuya; hi yona leyi nga ta humesela erivaleni swilo swa munyama leswi fihliweke, ni ku paluxa makungu ya timbilu ta vanhu; kutani hi kona un'wana ni un'wana a nga ta kuma ku dzunisiwa ka yena loku humaka eka Xikwembu.

Matewu 26:4

kutani va kanela makungu ya ku khoma Yesu hi vutlhari, va ta n'wi dlaya.

Matewu 2:16

Loko Heroda a vona leswaku ú kanganyisiwile hi tintlhari, a kariha ngopfu, kutani a rhuma vanhu va ya dlaya vana hinkwavo va vafana va le Betlehema ni le tikweni ra kona hinkwaro, va malembe mambirhi ni lava tlhandlamaka, a ringanisa nkarhi lowu a nga vutisisa tintlhari ha wona.

Swivuriso 24:9

makungu ya xiphukuphuku i ku dyoha ntsena, musandzi, vanhu va n'wi venga.

Swivuriso 11:23

Ku navela ka lavo lulama ku hela hi leswinene ntsena, kambe ku langutela ka lavo homboloka ku helela eku avanyisiweni.

Pisalema 119:15

Ndzi ta anakanya swiletelo swa wena, ndzi langutisisa ni tindlela ta wena.

Swivuriso 12:4

Wansati wa migingiriko i harhi ya vuhosi enhlokweni ya nuna wa yena, kasi wansati loyi a khomisaka nuna wa yena tingana, ú fana ni vuvabyi lebyi borisaka marhambu.

Swivuriso 12:6

Marito ya lavo homboloka ma nga vanga rifu, kasi lavo lulama va ponisa vanhu hi ku vulavula ka vona.

Swivuriso 14:8

Vutlhari bya munhu wa miehleketo, byi n'wi komba ndlela, kasi vuphukuphuku bya swiphunta, bya swi kanganyisa.

Yeremiya 9:3

Ririmi ra vona ri fana ni vurha lebyi kongiweke, etikweni ku tele vukanganyisi, vanhu va tsakela byona ku tlula ntiyiso. HOSI Xikwembu xi ri: “Vanhu va mina va tlhandleka leswo biha ehenhla ka leswo biha, ni ku ndzi tiva a va ha ndzi tivi!”

Yeremiya 9:5

Un'wana ni un'wana ú xisa munhu-kulobye, ku hava la vulavulaka ntiyiso, va titolovete ngopfu ku hembelana ni ku endla leswo homboloka; a va ha koti ku hundzuka.