Swivuriso 12:28 - BIBELE Mahungu Lamanene

²⁸ Lavo lulama va khoma ndlela ya vutomi, kasi ndlela ya lavo homboloka yi yisa eku loveni.

Xitsonga (Bibele)

²⁸ Vutomi byi kona, endleleni ya ku lulama, Emitileni ya kona a ku na ku fa.

Swivuriso 12:28 Referans Kwoze

3 Yohane 1:11

Nakulorhi, u nga tekeleli mikhuva leyo biha, kambe tekelela leyinene. Loyi a endlaka leswinene i wa Xikwembu; loyi a endlaka leswo biha a nga vonanga Xikwembu.

Varhoma 5:21

a swi ri leswaku, kukotisa leswi ku dyoha ku fumeke hi rifu, tintswalo na tona ti ta fumisa sweswo hi ku lulama loku yisaka evutomini lebyi nga heriki, ha Yesu Kriste Hosi ya hina.

Swivuriso 11:19

Loyi a tiyiselaka eku lulameni, ú ta hanya, kambe loyi a landzelelaka leswo biha, ú ya eku loveni.

1 Yohane 3:7

Vana vanga, mi nga pfumeli ku xisiwa hi munhu ni un'we. Loyi a endlaka leswo lulama ú lulamile, kukota leswi Kriste a lulameke.

1 Yohane 2:29

Loko mi tiva leswaku ú lulamile, mi nga kholwa swinene leswaku un'wana ni un'wana loyi a endlaka leswo lulama, ú tswariwe hi yena.

Ezekiele 18:9

Ú landzelela milawu ya mina, a hlayisa ni swiletelo swa mina, a hanya ha swona. Hakunene munhu wo tano ú ta kuma ku hanya, hikuva ú lulamile. Ndzi vula sweswo mina HOSI N'wini wa hinkwaswo.

Swivuriso 10:16

Hakelo ya munhu la lulameke i vutomi, kasi lowo homboloka ú dya mihandzu ya xidyoho.

Swivuriso 8:35

Loyi a ndzi kumeke, ú kumile vutomi, kutani HOSI Xikwembu xi ta n'wi tsakela;

Duteronoma 30:15

“Langutani, namuntlha ndzi mi nyika nkarhi wo hlawula vutomi kumbe rifu, leswinene kumbe leswo biha.

Swivuriso 9:11

Mina vutlhari ndzi ta engetela masiku ya ku hanya ka wena, u ta hanya malembe layo tala.

Duteronoma 32:46

a ku ka vona: “Hinkwaswo leswi ndzi mi tsundzuxaka swona, mi fanele ku swi hlayisa etimbilwini ta n'wina, mi laya vana va n'wina ha swona, leswaku na vona va ta tikarhatela ku hanya hi swilo hinkwaswo leswi tsariweke enawini lowu.

Yeremiya 21:8

HOSI Xikwembu xi byela Yeremiya ku ya tivisa va le Yerusalema marito ya xona lama nge: “Hlawulani! Xana mi lava ku hanya kumbe mi lava ku fa ke?

Duteronoma 30:19

“Namuntlha ndzi kombela matilo ni misava ku va timbhoni ta mina leswaku ndzi mi nyikile nkarhi wo hlawula vutomi kumbe rifu, minkateko kumbe makhombo. Hlawulani vutomi, leswaku mi ta hanya, n'wina ni vana va n'wina!

Swivuriso 10:2

Xuma lexi kumiweke hi tindlela to homboloka a xi pfuni nchumu, kambe ku lulama swi ponisa vutomi bya munhu.