Swivuriso 12:25 - BIBELE Mahungu Lamanene

²⁵ Ku vilela ku heta munhu matimba, kambe marito lamanene ma n'wi tiyisa.

Xitsonga (Bibele)

²⁵ Ku kanakana, loko ku ri embilwini ya munhu, ka n'wi tova, Kambe rito lerinene ra n'wi tsakisa.

Swivuriso 12:25 Referans Kwoze

Swivuriso 16:24

Marito lama tsakisaka ma fana ni xihlenge xa vulombe, lexi nandzihaka enon'weni, xi tlhela xi tiyisa miri.

Swivuriso 15:13

Loko mbilu yi tsakile, nghohe yi n'wayitela, kasi loko mbilu yi vava, munhu ú hela matimba.

Swivuriso 17:22

Ku tsaka ka mbilu, swi tshungula miri, ku khunguvanyeka, swi heta matimba.

Esaya 50:4

HOSI N'wini wa hinkwaswo ú ndzi endlile la tivaka ku vulavula, leswaku ndzi kota ku khongotela lava heleke matimba. Masiku hinkwawo ú ndzi pfuxa nimixo, a ndzi pfula tindleve, ndzi ta kota ku twa leswi a ndzi dyondzisaka swona.

Swivuriso 15:23

Munhu wa tsaka loko a hlamurile mhaka hi ndlela leyi nga yona; a hi ku nandziha ka swona ku vula rito leri faneleke hi nkarhi wa kona!

Zakariya 1:13

Kutani HOSI Xikwembu xi hlamula ntsumi leyi a yi vulavula na mina, xi yi nyika marito lamanene, lama tiyisaka nhlana.”

Swivuriso 12:18

Vanhu vo hatla ku vulavula, marito ya vona ma tlhava ku fana ni fumu, kasi marito ya lavo tlhariha ma horisa.

Swivuriso 27:9

Mafurha ni mirhi ya risuna, a hi ku tsakisa ka swona, swi tano ni switsundzuxo leswi humaka embilwini ya munghana wa wena.

Pisalema 42:11

We moya wanga, ú tlhavekela yini xana? U vavisekela yini endzeni ka mina ke? Tshemba Xikwembu! Mina ndza ha ta xi dzunisa, xona Xikwembu xanga, muponisi wanga wa xiviri.

Swivuriso 18:14

Ku tsaka ka mbilu, swi tiyisa munhu emavabyini; kambe loyi a khunguvanyekeke, a nga ka a nga tiyiseli.

Swivuriso 25:11

Marito lama vulavuriwaka enkarhini lowu faneleke, ma fana ni maapula ya nsuku exibyeni xa silivhere.

Pisalema 38:6

Ndzi tikeriwa ni ku tshikeleriwa ku tlula mpimo, siku hinkwaro ndzi famba-famba ndzi ri eku rileni.

Swivuriso 15:15

Masiku hinkwawo, swisiwana swi hanya enhlomulweni, kasi ku va ni mbilu leyi tsakeke, i nkhuvo lowu nga heriki.

Swivuriso 14:10

Mahlomulo ma twa hi n'winyi wa wona, ni ntsako wa yena wu nga ka wu nga twi hi un'wana.

Swivuriso 12:26

Lowo lulama ú hambana ni leswo biha, kasi mikhuva ya lavo homboloka ya va lahla.

Swivuriso 15:30

Nghohe leyi n'wayitelaka, ya tsakisa, mahungu lamanene ma tiyisa nhlana.