Swivuriso 12:24 - BIBELE Mahungu Lamanene

²⁴ Vanhu va migingiriko va ta va valawuri, kasi lavo loloha va ta rhwexiwa mintirho yo tika.

Xitsonga (Bibele)

²⁴ Voko ra munhu la tirhaka ri ta fuma, Kambe voko ra lolo ri ta tirhela van'wana.

Swivuriso 12:24 Referans Kwoze

Swivuriso 12:27

Munhu wo loloha a nga vuyi na nchumu eku hloteni, kambe munhu wa migingiriko ú kuma rifuwo lero saseka.

Swivuriso 10:4

Ku tshama hi mavoko swi chela vusiwana, migingiriko yona ya fumisa.

Swivuriso 17:2

N'wana wa mahanyelo yo khomisa tingana, ú ta fumiwa hi nandza la tlhariheke, ndzhaka leyi a a ta avelana ni vamakwavo, yi ta kuma hi nandza wa kona.

Swivuriso 13:4

Lolo ri fa hi ku navela, kambe a ri kumi nchumu; munhu wa migingiriko yena, ú dya a xurha.

Swivuriso 22:29

Munhu loyi a tivaka ntirho wa yena, ú ta tirhela tihosi, a nge he tirheli vanhu va swiyimo swa le hansi.

Swivuriso 22:13

Lolo ri ri: “Ku ni nghala ehandle, loko ndzo huma, ndzi ta dlawa!”

Swivuriso 19:15

Munhu wo loloha, ú tshama a etlele, loyi a tshamaka hi mavoko, ú ta fa hi ndlala.

1 TIHOSI 11:28

Yerobuwamu a a ri munhu wa migingiriko wo tikarhata swinene. Loko Solomoni a vona ku gingirika ka jaha leri, a ri veka ku va mulanguteri wa vatirhela-xibalo hinkwavo va nyimba ya Yosefa.

Genesa 49:15

Ú vonile leswaku lomu a wiseke kona, ku sasekile, ni leswaku tiko leri a nga ka rona ra tsakisa, kutani a korhama, a rhwexiwa ndzhwalo ekatleni, a pfumela ku endliwa hlonga.

1 TIHOSI 12:20

Loko Vaisraele hinkwavo va twa leswaku Yerobuwamu ú vuyile, va rhuma vanhu va ya n'wi vitana leswaku a ta enhlengeletanweni, kutani va n'wi veka hosi ya Vaisraele hinkwavo. A ku vanga na lava seketeleke rixaka ra Davhida, loko ku nga ri va nyimba ya Yuda ntsena.

Vaavanyisi 1:28

Loko Vaisraele va kumile matimba, va rhwexile Vakanana emintirho leyo tika, kambe a va va hlongolanga hinkwavo va suka exikarhi ka vona.