Swivuriso 12:21 - BIBELE Mahungu Lamanene

²¹ Lowo lulama a nga weli hi khombo, kasi lavo homboloka va rhendzeriwa hi maxangu.

Xitsonga (Bibele)

²¹ La lulameke a nga teli hi khombo; Kambe lavo biha va talela hi nhlomulo.

Swivuriso 12:21 Referans Kwoze

1 Petro 3:13

Sweswi ke, xana i mani loyi a nga mi endlaka leswo biha, loko n'wina mi hisekela ku endla leswi lulameke xana?

Pisalema 91:10

Hikokwalaho ku hava xo biha lexi nga ta ku humelela, mavabyi a ma nga ngheni emutini wa wena.

Varhoma 8:28

Kambe hi tiva leswaku, etimhakeni hinkwato, Xikwembu xi le ntirhweni wa ku tisa leswinene eka lava va xi rhandzaka, va nga lava xi va vitaneke, hi ku ya hi makungu ya xona.

Swivuriso 1:31

hikokwalaho, swiendlo swa vona swi ta va xanisa, mano ya vona ma ta va dlayisa.

Nhlavutelo 18:6

N'wi endleni leswi a mi endleke swona, mi n'wi nyika kambirhi hakelo ya leswi a swi endleke; exinwelweni lexi a nga chela swakunwa eka xona, n'wi cheleleni kambirhi.

Habakuku 2:16

Kasi hi wena la nga ta khomiwa hi tingana, ematshan'wini ya ku va la chavisekaka. Tinwele u ri wena, u dedeleka. Xinwelo xa vukari lexi nga vokweni ra xinene ra HOSI xi ta kondza xi fika eka wena, kutani ku chaviseka ka wena ku ta hundzuka tingana letikulu.

Swivuriso 14:14

Loyi a nga ni mahanyelo yo biha, ú tshovela mihandzu ya swiendlo swa yena, na yena lonene, ú vuyeriwa hi mihandzu ya mintirho ya yena.

2 Vakorinto 4:17

Hikuva maxangu lawa ya nga riki na ku tika ngopfu, lawa ya nga ya nkarhinyana ntsena, ma hi tisela ku kwetsima loku nga ni ntikelo swinene, loku nga heriki, loku tlulaka ngopfu mpimo hinkwawo.

Pisalema 121:7

HOSI yi ta ku ponisa emakhombyeni hinkwawo, yi ku sirhelela.

Swivuriso 1:33

Kambe loyi a ndzi yingisaka, ú ta tshamiseka, a kuma ku rhula emoyeni, a nga chavi nchumu xo biha.”

Swivuriso 12:20

Vukanganyisi byi le timbilwini ta lava endlaka swo biha, kasi lava nga ni makungu lama tisaka ku rhula, va tsakile.

Swivuriso 19:23

Munhu loyi a chavaka HOSI Xikwembu, ú khome ndlela ya vutomi, kutani ú ta hlayiseka ni makhombo ma nge n'wi humeleli.

Eklesiasta 8:5

Munhu la yingisaka swileriso, a nga ngheni etimhakeni leti biheke; la tlhariheke, ú tiva minkarhi ni maendlele.

Swivuriso 11:21

Lowo homboloka a nge poni, ú ta biwa hakunene! Kambe lava lulameka va ta pona.

Eklesiasta 7:18

Swa antswa ku hlayisa switsundzuxo leswi, u nga hambani na swona, hikuva lava chavaka Xikwembu, va swi landza hi vumbirhi bya swona.