Swivuriso 12:15 - BIBELE Mahungu Lamanene

¹⁵ Xiphukuphuku xi tivona xi ri endleleni leyo lulama, kasi munhu wo tlhariha ú amukela switsundzuxo.

Xitsonga (Bibele)

¹⁵ Ndlela ya xihunguki yi lulamile emahlweni ya xona, Kambe la amukelaka ku layiwa u tlharihile.

Swivuriso 12:15 Referans Kwoze

Swivuriso 3:7

U nga tshuki u tiendla ntlhari, chava HOSI Xikwembu, u hambana ni leswo biha.

Swivuriso 19:20

Yingisa switsundzuxo, u amukela ni swiletelo, leswaku u ta kuma vutlhari lebyi nga ta ku pfuna eminkarhini leyi taka.

Swivuriso 14:16

La tlhariheke wa xiyaxiya, a papalata leswo biha, kambe xiphunta xi ni magugu, xi wela swilo ehenhla.

Swivuriso 14:12

Ku ni swilo leswi munhu a nga swi vonaka swi lulamile, kasi eku heteleleni, swi yisa eku feni.

Swivuriso 1:5

Na yena loyi a tlhariheke, loko a swi landza, ú ta dyondza a ya emahlweni. Munhu loyi a twisisaka, ú kuma switsundzuxo,

Swivuriso 26:12

Xiphunta xa antswa, ku ri na munhu loyi a tivonaka a tlharihile.

Swivuriso 16:25

Ku ni ndlela leyi munhu a yi vonaka yi lulamile, kasi eku heteleleni, yi yisa eku feni.

Swivuriso 16:2

Hinkwaswo leswi munhu a swi endlaka, ú swi vona swi tengile, kambe HOSI Xikwembu xi kambela miehleketo ya yena.

Vagalatiya 6:3

Hikuva loko un'wana a ehleketa leswaku yena i nchumu, kasi a nga nchumu, wa tikanganyisa.

Swivuriso 9:9

Tsundzuxa munhu loyi a tlhariheke, vutlhari bya yena byi ta engeteleleka, loyi a lulameke, n'wi dyondzise, a ta dyondza a ya emahlweni.

Swivuriso 21:2

Hinkwaswo leswi munhu a swi endlaka, ú swi vona swi lulamile, kambe HOSI Xikwembu xi kambela mbilu ya yena.

Luka 18:11

Mufarisi a yima, a khongerisa leswi embilwini ya yena, a ku: ‘Xikwembu, ndza ku nkhensa leswi ndzi nga faniki ni vanhu van'wana, lava nga ni makwanga, lava nga tshembekangiki, lava oswaka, ni leswi ndzi nga faniki ni muluvisi loyi.

Swivuriso 30:12

Ku ni vanhu lava tivonaka va tengile, kasi va lo pyì, hi thyaka!

Swivuriso 28:11

N'wankumi a nga tivona a tlharihile, kambe xisiwana xi ta swi vona leswaku munhu loyi a nga tlharihanga.

Eklesiasta 4:13

Jaha ro tlhariha, hambi ri ri xisiwana, ri tlula hosi ya xiphunta leyi dyuhaleke, leyi alaka ni ku tsundzuxiwa.

Swivuriso 26:16

Lolo ri tivona ri tlharihile, ku tlula vavanuna va 7 lava nga hlamulaka mhaka hi ndlela leyi twalaka.

Swivuriso 13:1

N'wana la tlhariheke ú yingisa swiletelo swa tata wa yena, kasi musandzi a nga twi ku tshinyiwa.

Swivuriso 13:10

Ku tikurisa, swi vanga madzolonga ntsena, kasi vutlhari i bya lava pfumelaka ku tsundzuxiwa.