Swivuriso 11:9 - BIBELE Mahungu Lamanene

⁹ La nga vuriki nchumu hi Xikwembu, a nga dlaya munhu-kulobye hi ku vulavula ka yena, kasi lavo lulama va ponisiwa hi vutivi bya vona.

Xitsonga (Bibele)

⁹ Musandzi u dlaya varikwavo hi nomu wa yena, Kambe lavo lulama va hlayisiwa hi ku tiva.

Swivuriso 11:9 Referans Kwoze

1 Yohane 2:27

Kambe Moya lowu Kriste a nga mi chela wona, wu tshame eka n'wina, kutani a mi faneli ku dyondzisiwa hi munhu; hikuva Moya wa yena lowu mi nga cheriwa wona, wa mi dyondzisa ehenhla ka hinkwaswo, naswona i Moya wa ntiyiso, a wu hembi; hikokwalaho, tshamani eka Kriste, hilaha Moya wu mi dyondzisaka hakona.

1 Yohane 2:21

Ndza mi tsalela, ku nga ri hi mhaka ya leswi mi nga tiviki ntiyiso, kambe hi mhaka ya leswi mi wu tivaka, ni ku tiva leswaku ku hava vunwa lebyi humaka entiyisweni.

Timhaka 20:30

naswona, ndzi tiva leswaku ku ta huma van'wana exikarhi ka n'wina lava nga ta vula mavunwa ku tilavela vadyondzisiwa.

Pisalema 55:12

Loko a ndzo hlekula hi nala wa mina, a ndzi ta tiyisela; ni loko a ndzo kulela hi loyi a ndzi vengaka, a ndzi ta hambana na yena ndzi ya tumbela.

Matewu 7:15

“Tivoneleni eka vaprofeta va mavunwa lava taka ka n'wina va ambele tanihi tinyimpfu, kasi etimbilwini ta vona, i timhisi leti bvanyengetaka.

Ntirho 34:30

xi nga veka musandzi evuhosini, loyi a rhiyelaka varikwavo emintlhamu.

Ntirho 8:13

Swi tano ni vanhu lava rivalaka Xikwembu, lava va xi fularhelaka: Swilo leswi va swi tshembaka swi hatla swi nyamalala.

1 TIHOSI 22:6

Hiloko hosi ya Israele yi hlengeleta vaprofeta vo ringana 400, kutani yi ku ka vona: “Xana ndzi nga ya hlasela muti wa Ramoto-Giliyadi, kumbe ndzi tshika makungu lawa ke?” Vaprofeta va ku: “Famba u ya hlasela muti lowu, hikuva Xikwembu N'wini wa hina ú ta wu nyiketa emavokweni ya wena, we hosi.”

Marka 13:14

“Kutaku loko mi vona ‘xilo xa manyala lexi onhetelaka’ xi ri laha xi nga faneriki ku va kona (la hlayaka a a twisise), enkarhini wolowo, lava nge Yudiya a va tsutsumele etintshaveni;

Swivuriso 11:6

Lavo lulama va ponisiwa hi mintirho ya vona, kasi vakanganyisi va phasiwa hi ku navela ka vona.

Swivuriso 11:8

Loyi a lulameke wa humesiwa ekhombyeni, kutani ematshan'weni ya yena, ku nghenisiwa lowo homboloka.

Swivuriso 16:29

Munhu wa tihanyi, ú kucetela muakelani wa yena, a n'wi yisa etindhawini leto biha.