Swivuriso 11:29 - BIBELE Mahungu Lamanene

²⁹ Loyi a xanisaka va ka vona, ú tivangela xidzedze, xiphukuphuku xi ta va hlonga ra lavo tlhariha.

Xitsonga (Bibele)

²⁹ La pfilunganyaka yindlu ya yena, ndzhaka ya yena yi ta va mheho ntsena, Xihunguki xi ta va nandza wa munhu wa mbilu yo tlhariha.

Swivuriso 11:29 Referans Kwoze

Eklesiasta 5:16

Mhaka yin'wana yo tika hi leyi: Munhu ú fa a ri leswi a nga velekiwa a ri swona. Ku tikarhata ka yena ku n'wi vuyisela yini ke? Ú lo hlongorisa moya ntsena!

Hosiya 8:7

Lava byalaka xihuhuri, va ta tshovela xidzedze. Mavele lama nga rhumbukiki, ma nge vi na ntshovelo; hambiloko ntshovelo a wo va kona, a wu ta dyiwa hi vanhu va matiko man'wana.

Swivuriso 15:27

Munhu loyi a nga ni makwanga, ú vangela muti wa yena ekhombo, kambe loyi a alaka ku xaviwa, ú ta hanya.

Swivuriso 14:19

Munhu wa mintirho yo biha ú ta nkhinsamela lavanene, ni munhu wa mintirho yo homboloka ú ta va ehansi ka lavo lulama.

1 SAMIELE 25:38

Endzhaku ka masiku yo lava ku ringana khume, HOSI Xikwembu xi tlhela xi ba Nabala nakambe, kutani a fa.

1 SAMIELE 25:17

Sweswi ke, tiva mhaka leyi, u vona leswaku u nga endla yini, hikuva khombo ri ta ri kongomile n'wini wa hina Nabala ni ndyangu hinkwawo wa yena, kambe munhu loyi ú bihile, a nga lavi ku tsundzuxiwa nchumu.”

1 SAMIELE 25:3

Vito ra wanuna loyi a va ku i Nabala, nsati wa yena a va ku i Abigayele. Wansati loyi a a ri munhu wo hatla ku twisisa, naswona a a sasekile, kasi nuna wa kona a a ri munhu wo karhata, wa mintirho yo ka yi nga tivikani. Nabala a a ri wa rixaka ra Kalebe.

Genesa 34:30

Kutani Yakobo a ku ka Simiyoni na Levhi: “Mi ndzi vangele khombo hi ku ndzi venganisa ni Vakanana ni Vaperesi, vona vaaki va tiko. Mina a ndzi na vavanuna vo tala, kutani loko vo twanana va hlangana va ta ndzi hlasela, va ta ndzi herisa, mina ni va ndyangu wa mina.”