Swivuriso 11:24 - BIBELE Mahungu Lamanene

²⁴ Munhu loyi a hananaka, ú tala ku fuma, kasi munhu wo tsonana ngopfu, ú tala ku heleriwa hi swa yena.

Xitsonga (Bibele)

²⁴ Un'wana wa hanana, kasi wa engeteriwa; Un'wana wa tsonana, kambe u hundzuka xisiwana.

Swivuriso 11:24 Referans Kwoze

Swivuriso 19:17

Ku nyika xisiwana, i ku lomba HOSI Xikwembu, kutani HOSI Xikwembu xi ta ku tlherisela hinkwaswo.

Luka 6:38

Nyikani, mi ta nyikiwa; endzeni ka nkhancu lowu mi wu hakarhaka exifuveni, ku ta cheriwa mpimo lowu tivikanaka, lowu gandliweke, lowu hlunguhliweke, lowu khapaka; hikuva mpimo lowu mi pimelaka van'wana ha wona, mi ta pimeriwa ha wona na n'wina.”

Duteronoma 15:10

Mi ta n'wi nyika mi ntshunxekile, ku nga ri hi timbilu leti vilelaka, kutani HOSI Xikwembu xa n'wina xi ta mi katekisa emintirhweni ya n'wina hinkwayo, ni ka hinkwaswo leswi mi swi endlaka.

Pisalema 112:9

A nga karhali ku humesa swilo swa yena, a pfuna vapfumari ha swona; a nga tshiki ku hanana; hikokwalaho matimba ya yena ma ta ya ma kula, a xiximiwa hi vanhu.

Eklesiasta 11:6

Haxa mbewu ka ha ra nimixo, ni loko ri rhengile u nga tshami hi mavoko, hikuva a wu tivi leyi nga ta mila. Ku nga mila leyi kumbe liya, kumbe yi mila hinkwayo.

Hagayi 1:6

Mi byarile ngopfu, kambe mi tshovele switsongo. Ku dya ma dya, kambe a mi xurhi. Ku nwa ma nwa, kambe a mi kolwi. Ku ambala ma ambala, kambe ni un'we wa n'wina a nga kufumeli. Naswona, mutirhi loko a hola, ú holela exinkwamaneni lexi boxekeke.

Swivuriso 11:18

Munhu wo homboloka a nga holi swo nyawula, kasi loyi a seketelaka leswo lulama, a nga kanakani hi hakelo ya yena.

Swivuriso 28:8

Munhu loyi a engetelelaka rifuwo ra yena hi ku lava ntswalo wa mali leyi a yi lombiseke, rifuwo rero, ú ri hlengeletela loyi a nga ni tintswalo eka swisiwana.

Swivuriso 11:23

Ku navela ka lavo lulama ku hela hi leswinene ntsena, kambe ku langutela ka lavo homboloka ku helela eku avanyisiweni.

Swivuriso 11:25

Munhu wo hanana ú ta dya a xurha, ni loyi a nyikaka van'wana mati, na yena ú ta nyikiwa.

Swivuriso 13:7

Vanhu van'wana va tiendla swigwili, kasi a va na nchumu; van'wana va tiendla swisiwana, kasi va fumile ngopfu.

Swivuriso 28:27

La nyikaka swisiwana, a nge pfumali swa le mandleni, kambe la alaka ku swi pfuna, vanhu va ta n'wi rhuketela ngopfu.

2 TIKRONIKA 31:10

kutani Muprista Lonkulu Azariya wa ka Sadoki a hlamula hosi a ku: “Ndhabezitha, himpfhuka xa loko Vaisraele va sungurile ku humesa mihlengo ya vona va yi tisa haleno Tempeleni, ha dya hi xurha, swin'wana swi sala. HOSI Xikwembu xi katekisile mavoko ya vanhu va xona, kutani swilo swo tala leswi mi swi vonaka, hi leswi nga sala loko hi pamburile swa hina.”

Malakiya 3:8

Nhlamulo hi leyi: Ku xisa Xikwembu a hi swona! Kambe n'wina mi le ku ndzi xiseni. Kutani mi tlhela mi ndzi vutisa mi ku: ‘Hi ku xisa hi ndlela yihi ke?’ Mina ndzi ri: Ma ndzi xisa eku humeseni ka vukhume ni mihlengo.