Swivuriso 11:23 - BIBELE Mahungu Lamanene

²³ Ku navela ka lavo lulama ku hela hi leswinene ntsena, kambe ku langutela ka lavo homboloka ku helela eku avanyisiweni.

Xitsonga (Bibele)

²³ Ku navela ka lavo lulama i swinene ntsena; Ku tshemba ka lavo biha i ku kariha.

Swivuriso 11:23 Referans Kwoze

Matewu 5:6

Ku katekile lava nga ni ndlala ni torha ra leswo lulama, hikuva va ta xurha.

Pisalema 37:4

Tsakela HOSI Xikwembu, kutani xona xi ta ku nyika leswi mbilu ya wena yi swi navelaka.

Yeremiya 17:16

A hi mina ndzi nga ku sindzisa ku vanga makhombo; hambi nkarhi wa maxangu, a hi mina ndzi va naveleleke wona; wena wa swi tiva, hikuva ndzi vulavurile emahlweni ka wena.

Esaya 26:9

Moya wanga wu lava wena, hambi byi ri vusiku, exihundleni xa mbilu yanga, ndzi navela wena; loko u ba vanhu lava nga misaveni, va dyondza ku endla leswi lulameke.

Swivuriso 10:28

Ku tshemba ka lavo lulama ku hela hi ntsako, kambe leswi lavo homboloka va swi langutelaka, swi helela empfhukeni.

Pisalema 10:17

We HOSI, u yingisa ku kombela ka lava xanisekaka, u pfuxa matimba ya vona, u va rhiyela ndleve,

Vaheveru 10:27

kambe ku lo sala ntsena ku langutela loku chavisaka ka ku avanyisiwa, ni vukari lebyi pfurhaka lebyi nga ta herisa valala va Xikwembu.

Swivuriso 11:7

Loko lowo homboloka a fa, ku tshemba ka yena ka hela, ni rifuwo leri a tisetelaka ha rona a ra ha n'wi pfuni nchumu.

Pisalema 119:10

Ndzi lava ku ku yingisa hi mbilu ya mina hinkwayo, u nga pfumeli leswaku ndzi hambana ni swileriso swa wena.

Pisalema 119:5

Ndzi navela ngopfu ku hanya hi ndlela yo tshembeka, ndzi ri karhi ndzi hlayisa milawu ya wena.

Pisalema 27:4

Ndzi komberile xilo xin'we eka HOSI; xilo xa kona ndzi xi tsakela ngopfu, ku nga ku tshama eTempeleni ya HOSI vutomi bya mina hinkwabyo, ndzi hlalela ku saseka ka yona ndzi ri ndlwini ya yona.

Swivuriso 11:24

Munhu loyi a hananaka, ú tala ku fuma, kasi munhu wo tsonana ngopfu, ú tala ku heleriwa hi swa yena.

Swivuriso 12:5

Makungu ya vanhu lavo lulama i manene, kasi switsundzuxo swa lavo homboloka swa kanganyisa.

Swivuriso 13:2

Leswi munhu lonene a swi vulavulaka, swi n'wi vuyerisa mihandzu leyinene, kambe vakanganyisi va navela ku endla nsele ntsena.