Swivuriso 11:19 - BIBELE Mahungu Lamanene

¹⁹ Loyi a tiyiselaka eku lulameni, ú ta hanya, kambe loyi a landzelelaka leswo biha, ú ya eku loveni.

Xitsonga (Bibele)

¹⁹ Ku lulama ka xiviri ku yisa evutomini, Loko a ri loyi a landzelaka swo biha u tsutsumela eku feni.

Swivuriso 11:19 Referans Kwoze

Swivuriso 10:16

Hakelo ya munhu la lulameke i vutomi, kasi lowo homboloka ú dya mihandzu ya xidyoho.

Swivuriso 19:23

Munhu loyi a chavaka HOSI Xikwembu, ú khome ndlela ya vutomi, kutani ú ta hlayiseka ni makhombo ma nge n'wi humeleli.

Swivuriso 12:28

Lavo lulama va khoma ndlela ya vutomi, kasi ndlela ya lavo homboloka yi yisa eku loveni.

Swivuriso 8:36

kambe loyi a nga ndzi kumiki, wo tivavisa, hinkwavo lava va ndzi vengaka, vo lava rifu.”

1 Yohane 3:10

Ku hambana exikarhi ka vana va Xikwembu ni vana va Diyavulosi, ku nga vonaka hi ndlela leyi: Hileswaku un'wana ni un'wana loyi a nga endliki leswo lulama, kumbe loyi a nga rhandziki makwavo, a hi wa Xikwembu.

1 Yohane 3:7

Vana vanga, mi nga pfumeli ku xisiwa hi munhu ni un'we. Loyi a endlaka leswo lulama ú lulamile, kukota leswi Kriste a lulameke.

Varhoma 6:23

Hikuva ku dyoha ka hakela, hakelo ya kona i rifu, kambe nyiko leyi nyikiwaka ntsena, leyi humaka eka Xikwembu, i vutomi lebyi nga heriki, ha Kriste Yesu Hosi ya hina.

Timhaka 10:35

kambe, ematikweni hinkwawo, loyi a xi chavaka a vuya a endla leswi lulameke, xa n'wi tsakela.

Swivuriso 11:4

Esikwini ra ku hlundzuka ka HOSI Xikwembu, rifuwo a ri pfuni nchumu, kambe ku lulama ku ponisa vutomi bya munhu.

Yakobo 1:15

Kutani loko ku navela ku korwile, ku tswala xidyoho; xidyoho xona, loko xi hetisekile, xi tswala rifu.

Swivuriso 21:16

Munhu loyi a hambukaka endleleni ya ku twisisa, ú ta tikuma a ri exikarhi ka vafi.

Duteronoma 16:20

Mi fanele ku avanyisa timhaka hi ndlela leyi lulameke ntsena, leswaku minkarhi hinkwayo, mi ta kota ku hanya etikweni leri HOSI Xikwembu xa n'wina xi nga ta mi nyika rona, ri va ndzhaka ya n'wina.

2 TIHOSI 1:4

Hikokwalaho, HOSI Xikwembu xi vurisa sweswo eka Ahaziya xi ri: ‘U nga ka u nga ha pfuki emasangwini lawa u etleleke eka wona, kambe u ta fa hakunene!’ ” Kutani Eliya a suka a famba.

2 TIHOSI 1:16

Eliya a fika a ku ka yena: “HOSI Xikwembu xi vurisa sweswo xi ri: ‘Leswi u rhumeke vanhu ku ya vutisa eka Baala-Zebubu xikwembu xa le Ekroni, xana a ko va hava Xikwembu etikweni ra Israele ku ya vutisa rito eka xona, ke? Hikokwalaho, u nga ka u nga ha pfuki emasangwini lawa u etleleke ka wona, kambe u ta fa hakunene.’ ”

Swivuriso 21:21

Munhu wa tintswalo la tikarhatelaka leswo lulama, ú ta kuma vutomi, ni ku dzuneka, a endleriwa leswo lulama.