Swivuriso 10:30 - BIBELE Mahungu Lamanene

³⁰ Munhu wo lulama a nga ka a nga rhurhisiwi, kambe lavo homboloka va ta susiwa etikweni.

Xitsonga (Bibele)

³⁰ La lulameke a nga ka a nga tsekatseki, ni siku ni rin'we, Loko va ri lavo biha, va nga ka va nga hlweri la emisaveni.

Swivuriso 10:30 Referans Kwoze

Pisalema 37:22

Hakunene, vanhu lava Xikwembu xi va katekisaka, va ta nyikiwa tiko ri va ra vona, kambe lava xi va rhuketelaka, va ta humesiwa eka rona.

Pisalema 125:1

Lava tshembaka HOSI Xikwembu, va fana ni ntshava ya Siyoni, leyi nga tsekatsekiki, leyi tiyeke hilaha ku nga heriki.

Swivuriso 10:25

Loko ku hundza bubutsa, lavo homboloka a va sali, kambe lavo lulama, vona va sala va lo tíkítìkì!

Pisalema 16:8

Minkarhi hinkwayo, ndzi rhangisa HOSI emahlweni ka mina; ndzi nga ka ndzi nga tsekatseki, hikuva yi le vokweni ra mina ra xinene.

Matewu 21:41

Va hlamula Yesu va ku: “Ú ta lovisa vanhu lavo biha lava va hela; nsimu ya vhinya, ú ta yi veka emavokweni ya vatirhi van'wana lava nga ta n'wi nyika mihandzu hi nguva ya kona.”

Pisalema 112:6

Munhu wo lulama a nga tsekatsekisiwi hi nchumu, vanhu a va nga n'wi rivali ni siku ni rin'we.

Pisalema 52:5

Kambe Xikwembu xi ta ku herisela makumu, xi ta ku wisa, xi ku humesa emutini wa wena, xi ta ku tsuvula u suka etikweni ra lava hanyaka.

Ntirho 17:9

Loyi a nge, ú lulamile, a nga hundzuki miehleketo, loyi a nge, mavoko ya yena ma tengile, ú ta omela kwalaho.

Pisalema 15:5

A nga lavi ntswalo, loko a lombile munhu emali, ú ala ni ku xaviwa leswaku a dlayisa la nga riki na nandzu. La endlisaka sweswo a nga ka a nga tsekatsekisiwi ni siku ni rin'we.