Swivuriso 10:16 - BIBELE Mahungu Lamanene

¹⁶ Hakelo ya munhu la lulameke i vutomi, kasi lowo homboloka ú dya mihandzu ya xidyoho.

Xitsonga (Bibele)

¹⁶ La lulameke u tirhela ku hanya, Kambe la nga lulamangiki u tirhela ku homboloka.

Swivuriso 10:16 Referans Kwoze

Vaheveru 6:10

Hikuva Xikwembu a xi na mona, xi nga ka xi nga rivali ntirho wa n'wina ni rirhandzu leri mi ri kombeke hi vito ra xona, hi ku tirhela vahlawuriwa va xona, hilaha mi swi endlaka hakona nisweswi.

Varhoma 6:23

Hikuva ku dyoha ka hakela, hakelo ya kona i rifu, kambe nyiko leyi nyikiwaka ntsena, leyi humaka eka Xikwembu, i vutomi lebyi nga heriki, ha Kriste Yesu Hosi ya hina.

Yohane 6:27

Mi nga tirheleni swakudya leswi bolaka, kambe tirhelani swakudya leswi nga boriki, swi nga leswi nyikaka vutomi lebyi nga heriki. Swakudya leswi, mi ta nyikiwa hi N'wana-wa-Munhu, hikuva hi yena loyi Xikwembu Tatana xi n'wi fungheke hi mfungho wa xona.”

1 Vakorinto 15:58

Hikokwalaho, vamakwerhu lava rhandzekaka, tiyani swinene mi nga tsekatsekeni; tiyiselani swinene, mi tirhela Hosi masiku hinkwawo, mi ri karhi mi swi tiva leswaku eHosini mintirho ya n'wina a yi nga weli ehansi.

Swivuriso 11:30

Munhu wo lulama i murhi wa mihandzu leyi nyikaka vutomi, kasi munhu wa tihanyi ú herisa vutomi bya vanhu.

2 Timotiya 3:13

naswona vanhu lavo biha ni vakanganyisi va ta ya emahlweni va nyanya ku biha, va ri karhi va xisa, na vona va xisiwa.

Matewu 15:19

Hikuva miehleketo leyo biha, ni ku dlayana, ni vuoswi, ni vuphukuphuku, ni ku yiva, ni vumbhoni byo hemba, ni ku sandzana, swi huma embilwini;

Swivuriso 21:21

Munhu wa tintswalo la tikarhatelaka leswo lulama, ú ta kuma vutomi, ni ku dzuneka, a endleriwa leswo lulama.