Swivuriso 10:12 - BIBELE Mahungu Lamanene

¹² Rivengo ri pfuxa madzolonga, kambe rirhandzu ri endla leswaku vanhu va rivalelana.

Xitsonga (Bibele)

¹² Rivengo ri pfuxa timholovo, Kambe rirhandzu ri funengeta ku dyoha hinkwako.

Swivuriso 10:12 Referans Kwoze

1 Petro 4:8

Ku tlula leswi hinkwaswo, tiyani eku rhandzaneni, hikuva rirhandzu ri funengeta swidyoho leswo tala.

Swivuriso 17:9

Loyi a rivalelaka van'wana, ú rhandza xinakulobye, kasi loyi a nga ni xikhomela, ú onha vunghana.

Swivuriso 15:18

Munhu wa ximbilwa-mbilwana ú pfuxa madzolonga, kasi loyi a tiyiselaka swilo, ú miyeta ku holova.

Yakobo 5:20

tsundzukani leswi: Un'wana ni un'wana la vuyiselaka endleleni mudyohi loyi a a lahlekile, ú ta ponisa moya wa munhu loyi eku feni, kutani ú ta funengeta swidyoho leswo tala.

Yakobo 4:1

Tinyimpi ti vangiwa hi yini, ni ku lwa exikarhi ka n'wina ku vangiwa hi yini? Xana a swi vangiwi hi ku navela ka n'wina ka ku titsakisa, loku pfuxaka tinyimpi eswirhweni swa n'wina, xana?

Swivuriso 28:25

La nga ni makolo, ú vanga madzolonga, kasi munhu loyi a tshembaka HOSI Xikwembu, ú ta dya a xurha.

Swivuriso 16:27

Loyi a nga pfuniki nchumu, ú luka mano layo biha, leswi humaka enon'weni wa yena, i malangavi ya ndzilo.

Swivuriso 29:22

Munhu wa ximbilwa-mbilwana, ú vanga madzolonga, ni munhu wo hatla ku kariha, ú pfuxa timholovo.

Swivuriso 30:33

Phehlwa ri huma entswambeni lowu hlutiweke, nhompfu leyi biweke yi huma ngati, ku ntlhontlha vukari, swi pfuxa madzolonga.