Swivuriso 1:5 - BIBELE Mahungu Lamanene

⁵ Na yena loyi a tlhariheke, loko a swi landza, ú ta dyondza a ya emahlweni. Munhu loyi a twisisaka, ú kuma switsundzuxo,

Xitsonga (Bibele)

⁵ La tlhariheke, a a yingise, u ta tiengetela ku tiva; La nga ni ku twisisa u ta tikumela mano

Swivuriso 1:5 Referans Kwoze

Swivuriso 12:1

Loyi a rhandzaka ku tsundzuxiwa, ú rhandza vutivi, kambe loyi a vengaka ku tshinyiwa, wa hlanya.

Swivuriso 9:9

Tsundzuxa munhu loyi a tlhariheke, vutlhari bya yena byi ta engeteleleka, loyi a lulameke, n'wi dyondzise, a ta dyondza a ya emahlweni.

1 Vakorinto 10:15

Ndzi vulavula na n'wina tanihi loko mi ri vanhu lava nga ni ku twisisa; ringanisani hi n'wexe leswi ndzi swi vulaka.

Ntirho 34:16

“Wena Yobo, loko u ri ni ku twisisa, rhiya ndleve, u twa leswi ndzi vulaka swona.

Ntirho 34:10

“Hikokwalaho, ndzi yingiseni n'wina vanhu va miehleketo: Xikwembu xi nge pfuki xi endle swo biha, Lowa-matimba-hinkwawo a nge dyohi ni siku ni rin'we.

Ntirho 34:34

“Vanhu va miehleketo, vona lava tlhariheke, loko va ndzi twa, va ta ku ka mina:

2 TIKRONIKA 25:16

Loko muprofeta a ha vulavula, Amasiya a n'wi tsema nomo, a ku: “Xana u lo vekiwa ku va mutsundzuxi laha ntsindza xana? Miyela, loko u nga lavi ku pulukanyiwa!” Muprofeta a miyelanyana, kambe a engeta a ku: “Loko ndzi vona maendlele ya wena lawa, ni leswaku u ndzi sivela ku ku komba ndlela, ndza swi vona leswaku hakunene Xikwembu xi tiyimiserile ku ku herisa!”

Swivuriso 14:6

Musandzi ú lava vutlhari, kambe a nga byi kumi, munhu la twisisaka, ú kuma vutivi hi ku olova.

Eklesiasta 9:11

Ndzi engetile ndzi vona ni leswi: Laha misaveni, a hi vanhu lava tsutsumaka hi rivilo lava hetaka mpfhuka, naswona a hi lava nga ni matimba lava hlulaka enyimpini. A hi lavo tlhariha lava kumaka swakudya, ni rifuwo a ri kumiwi hi lavo dyondzeka. Lava tivaka maendlele a hi vona va tsakeriwaka. Hinkwaswo swi ni nkarhi lowu swi humelelaka ha wona.

Duteronoma 4:6

Hlayisani milawu ni swiletelo leswi, hikuva loko mi endla tano, vanhu va tinxaka timbe va ta vona vutlhari ni ku twisisa ka n'wina, kutani loko va twa milawu leyi hinkwayo, va ta ku: ‘Mawaku lava nga ni vutlhari ni ku twisisa ku fana ni rixaka lerikulu leri.’

Ntirho 34:2

“Ndzi yingiseni, n'wina mi tlhariheke, rhiyani tindleve, leswi mi nga ni vutivi.

Swivuriso 8:33

Yingisani swiletelo, mi ta tlhariha, mi nga tshuki mi swi ba hi makatla.

Swivuriso 9:8

Musandzi, u nga n'wi tshinyi, hikuva ú ta ku venga, tshinya loyi a tlhariheke, yena ú ta ku rhandza.

Swivuriso 18:15

Munhu wo tlhariha, ú rhandza vutivi, ú tsakela ku yingisela byona ntsena.

Swivuriso 19:25

Loko u ba musandzi, swi nga nyika dyondzo eka lava pfumalaka vutivi, loko u laya munhu wo twisisa, swi n'wi pfuna ku engetelela vutlhari.

Swivuriso 21:11

Lavo pfumala vutivi, va tlhariha loko va vona musandzi a biwa, kasi munhu wo tlhariha yena, loko a dyondzisiwa, ú engetelela vutivi bya yena.