Swivuriso 1:32 - BIBELE Mahungu Lamanene

³² Lava pfumalaka vutivi va tivangela rifu loko va ala ku dyondzisiwa, swiphunta swi ticelela masirha hi ku ka swi nga tikarhateli nchumu.

Xitsonga (Bibele)

³² Hikuva ku hambuka ka varivali ka va dlaya, Kutani ku tsaka ka varihuhe ka va lovisa.

Swivuriso 1:32 Referans Kwoze

Vaheveru 12:25

Tivoneleni leswaku mi nga aleli loyi a vulavulaka. Lava aleke ku yingisa mutsundzuxi wa vona laha misaveni, a va ponanga. Hikokwalaho, xana hina hi nga ponisa ku yini, loko hi ala ku yingisa loyi a hi tsundzuxaka a ri ematilweni xana?

Swivuriso 8:36

kambe loyi a nga ndzi kumiki, wo tivavisa, hinkwavo lava va ndzi vengaka, vo lava rifu.”

Yohane 3:36

Loyi a pfumelaka eka N'wana, ú ni vutomi lebyi nga heriki; loyi a nga yingisiki N'wana, a nga ka a nga kumi vutomi, kambe vukari bya Xikwembu byi tshame henhla ka yena.

Yeremiya 2:19

Vubihi bya n'wina ni ku tiarisa ka n'wina, swi ta mi vangela ku biwa mi twa ku vava, kutani mi ta swi tiva ni ku swi vona leswaku ku tshika HOSI Xikwembu xa n'wina i mhaka leyo biha leyi dyisaka mbitsi. Ni ku ndzi chava, a ma ha ndzi chavi! Yi vula sweswo HOSI ya matimba hinkwawo, N'wini wa n'wina.

Vaheveru 12:8

Loko mi tshikiwa mi nga layiwi, hi ku laya loku van'wana hinkwavo va layiweke ha kona, swi vula leswaku mi vana vo velekiwa hi ku hunguka, a mi vana va laha kaya.

Pisalema 69:22

Swakudya swa vona a swi hundzuke ntlhamu, swi dlaya vona vinyi ni vanghana va vona.

Yakobo 5:5

Emisaveni, mi hanyile emafurheni mi ri karhi mi tiphina; kambe mi lo tinonisela ntsena siku ra ku dlayiwa ka n'wina.

Swivuriso 1:22

“N'wina lavo-ke-mano, mi ta pfumala vutivi ku fikela rini ke? Vasandzi va ta tshika rini ku sandza, ni swiphunta swi ta venga ku twisisa ku fikela rini ke?

Swivuriso 5:22

Milandzu ya munhu wo biha yi dlayisa yena n'winyi, ú phasiwa hi ntlhamu wa swidyoho swakwe,

Swivuriso 8:5

N'wina mi kalaka mano, tlharihani, dyondzani ku anakanya, n'wina swiphunta.

Esaya 66:4

Hikokwalaho ke, na mina ndzi ta endla hi ku rhandza: Ndzi ta va vangela makhombo; leswi va swi chavaka ngopfu, hi swona leswi ndzi nga ta va tisela swona, hikuva loko ndzi va vitanile, a ku vanga na un'we la hlamuleke, a va yingisanga marito ya mina; va endlile leswo biha emahlweni ka mina, va hlawula ku endla leswi ndzi nga swi laviki.”

Duteronoma 28:17

Swirhundzu swa n'wina ni swihiso swa n'wina swi ta rhukaniwa.

Swivuriso 2:18

Ku nghena endlwini ya yena i ku hojomela exivandleni xa vafi, ndlela yo ya eka yena yi yisa eku feni.

Swivuriso 9:18

Vanhu a va swi tivi leswaku ka fiwa emutini wa wansati loyi, lava va n'wi endzeleke, va le xivandleni xa vafi.

Swivuriso 10:21

Leswi humaka enon'wini wa munhu wo lulama i swakudya swa lavo tala, kambe swiphukuphuku swi ticelela masirha hi ku ka swi nga ehleketi.

Swivuriso 14:16

La tlhariheke wa xiyaxiya, a papalata leswo biha, kambe xiphunta xi ni magugu, xi wela swilo ehenhla.

Amosi 6:1

“Khombo ri ta mi wela, n'wina mi tiphinaka eSiyoni, na n'wina mi titwaka mi tshamisekile eswitsungeni swa Samariya, n'wina vachaviseki va tiko leri rhangelaka matiko hinkwawo, n'wina mi luviwaka hi vanhu va Israele,