Swirilo 4:7 - BIBELE Mahungu Lamanene

⁷ Tihosana ta Yerusalema a ti tengile ku tlula gamboko, ti tsakisa mahlo ku tlula masi; miri wa tona a wu sasekile ku tlula swo bomba ha swona, wu tlhela wu yimeka swinene.

Xitsonga (Bibele)

⁷ Vafumi va kona a va tengile ku fana ni gamboko, Va basile kukota ntswamba; Mimiri ya vona a yi tshwukile ku hundzisa korale, Tinghohe ta vona a ti fana ni ribye ra safiri.

Swirilo 4:7 Referans Kwoze

Pisalema 51:7

Ndzi xuve hi xitluka xa murhi wa hisopa, kutani ndzi ta va la tengeke, ndzi hlantswe, ndzi ta basa ku tlula ni gamboko.

Risimu ra Tinsimu 5:10

Murhandziwa wa mina ú yimekile, a tlhela a saseka, ú hlawulekile exikarhi ka madzana-dzana.

Pisalema 144:12

Vana va hina va xinuna a va fane ni mirhi leyi nga mila yi tiya ku sukela loko yi byariwile; vana va hina va xisati a va fane ni timhandze leti vatliweke ta yinhla, leti sasekisaka tindlu ta vuhosi.

1 SAMIELE 16:12

Kutani Yese a rhuma vanhu, va ya vuya na yena. Jaha ra kona a ri ri mbhuri ya mahlo yo saseka ni xivumbeko xo tsakisa. HOSI Xikwembu xi ku ka Samiele: “Loyi, hi yena! Suka u yima u n'wi chela mafurha enhlokweni.”

Daniele 1:15

Loko ku hundzile khume ra masiku, va vona leswaku majaha lawa ma tsakisa, naswona ma nyuhele ku tlula lama dyaka swakudya swo xawula swa hosi.

Vaavanyisi 16:17

Kutani a boxela Delila xihundla xa yena, a ku ka yena: “A ndzi si tshama ndzi byewuriwa nhloko, hikuva ku sukela siku ndzi velekiweke, ndzi hlawuleriwile Xikwembu. Loko ndzo byewula nhloko, matimba ya mina ma ta hela, ndzi fana ni vanhu van'wana.”

Vaavanyisi 13:7

Kambe ú te ka mina: ‘Vona, u ta tika, u veleka n'wana wa mufana; hikokwalaho, u nga tshuki u nwa vhinyo kumbe byalwa, naswona u nga dyi swilo leswi nga tengangiki, hikuva n'wana loyi ú ta va munhu la hlawuleriweke Xikwembu ku sukela siku a velekiwaka, a kondza a fa.’ ”

Vaavanyisi 13:5

hikuva u ta tika, u veleka n'wana wa mufana. N'wana loyi a nga tshuki a byewuriwa nhloko, hikuva ú ta va munhu la hlawuleriweke Xikwembu ku sukela siku a velekiwaka. Hi yena la nga ta sungula ku lamulela Vaisraele emavokweni ya Vafilista.”

Luka 1:15

hikuva ú ta va nkulukumba emahlweni ka Hosi; a nga ka a nga nwi vhinyo ni byalwa, kambe ú ta tala Moya lowo Kwetsima a nga si velekiwa.

Eksoda 24:10

Kutani va vona Xikwembu xa Israele; laha hansi ka milenge ya xona a wonge hiloko ku ri ni maribye ya nkoka swinene ya “safiri”, yo phatima ku fana ni rihlaza ra tilo.

Ntirho 28:16

Byi ni nkoka ku tlula nsuku wa le Ofiri, byi tlula ni maribye yo saseka ya “Onikisi” ni ya “Safiri”.

Ntirho 28:18

a ha ha vuli tinkatla kumbe swibya swa “Kristala”! Xinkwamana xa vutlhari xi ni risima ku tlula vuhlalu lebyi sasekeke.

Risimu ra Tinsimu 5:15

Milenge ya yena i tiphuphu ta maribye yo rhetela, leti tlhomiweke eminkotlotweni ya nsuku. Xivumbeko xa yena xi fana ni ntshava ya Lebanoni, xi hlawulekile ku fana ni mirhi ya Kedari.