Swirilo 4:4 - BIBELE Mahungu Lamanene

⁴ Minkolo ya tinsana yi omile ngopfu hikwalaho ka torha; vana va kongomela swakudya, kambe ku hava loyi a va nyikaka.

Xitsonga (Bibele)

⁴ Ririmi ra risana ri namarhele enon'wini wa rona, Hi ku omisiwa hi torha; Lavatsongo va kombela vuswa, Kambe ku hava loyi a va phamelaka.

Swirilo 4:4 Referans Kwoze

Pisalema 22:15

Nkolo wa mina wu omile kukota xirhengele, ririmi ri namarhela emalakeni; we Hosi, u ndzi tsongahatile ku yisa eku feni.

Swirilo 1:11

Hinkwavo vanhu va yena va konya loko va ri karhi va lava swakudya; va tilavela swona hi ku xavisa swilo swa vona swa nkoka, va ta kuma matimba hi vuntshwa. Yerusalema ú ri: “Languta we HOSI, u vona hilaha ndzi soriwaka hakona.

Pisalema 137:6

Loko ndzi nga ku tsundzuki we Yerusalema, ni loko ndzi nga ku tsakeli ku tlula hinkwaswo, swi nga antswa ndzi hundzuka mbheveve!

Duteronoma 32:24

Ndlala yi ta va heta matimba, ku hisa ka miri ni mintungu leyi dlayaka swi ta va herisa; ndzi ta va rhumela swivandzana swi va kavatlulela, ni swikokovi leswa vuxungu swi ta va lumetela.

Luka 10:11

‘Ntshuri wa muti wa n'wina lowu wu hi namarheleke milenge, ha wu phumunha wu sala na n'wina; hambiswiritano, tivani leswaku Mfumo wa Xikwembu wu tshinerile.’

Duteronoma 28:48

hikokwalaho mi ta tirhela valala va n'wina lava HOSI Xikwembu xi nga ta va rhumela ku lwa na n'wina. Mi ta fa hi ndlala, ni torha, ni vusweti, mi pfumala hinkwaswo; xi ta mi tlhandleka joko ra nsimbhi xi kondza xi mi herisela makumu.

Yeremiya 14:3

Varhangeri va rhuma vatirhi ematini, vona va ya kuma leswaku swihlovo swi phyile; hiloko va tlhela ni swibya leswi nga riki na nchumu, va nyuma va tifihla swikandza, va hela matimba,

2 TIHOSI 18:27

Kambe Rhabi-Xake a va hlamula a ku: “Xana n'wini wa mina a nga va a ndzi rhumile ku fikisa marito lawa eka hosi ya n'wina, kumbe eka n'wina ntsena, xana: E-e! Ndzi rhumiwile ni le ka vanhu lava va tshamaka erirhangwini ra muti; hikuva va ta kala va dya thyaka ra vona, va nwa ni mixixito ya vona, swin'we na n'wina!”

2 TIHOSI 25:3

kutani ndlala yi va leyikulu emutini, hikuva vaaki va wona a va heleriwile hi swakudya. Kutani, hi siku ra 9 ra n'hweti,

Esaya 5:13

Hikwalaho, n'wina vanhu va ka hina, mi ta yisiwa evuhlongeni hi mhaka yo pfumala vutivi, vachaviseki va n'wina va ta fa hi ndlala, ni ntshungu hinkwawo wu ta hela hi torha.