Swirilo 4:19 - BIBELE Mahungu Lamanene

¹⁹ Lava va hi hlongorisaka va ni rivilo, va siya ni magama; va hi hlongorisa etintshaveni, va hi tumbelela emananga.

Xitsonga (Bibele)

¹⁹ Vaxanisi va hina va ni matsamba Ku tlula magama ya le henhla; Va hi hlongorisa etintshaveni; Emananga va hi celela marindzi.

Swirilo 4:19 Referans Kwoze

Habakuku 1:8

Tihanci ta vona ti tlula tiyingwe hi ku tsutsuma, ti hisekela ku lwa ku tlula mahlolwa lama hlotaka nivusiku; eku tsutsumeni ka tona ti paletela ni misava! Vagadi va tona va pfa hi le matikweni ya le kule, va haha ku fana ni makoti lama bvungaka swakudya.

Yeremiya 4:13

Vonani, nala wa ta ku fana ni mapapa; tigolonyi ta yena i xihuhuri; tihanci ta yena ti ni rivilo ku tlula magama. Hi le khombyeni! Ha hela!

Hosiya 8:1

Bana mhalamhala! Valala va lava ku juma tiko ra Israele ku fana ni magama; hikuva vanhu va tshovile ntwanano wa mina, va tlula ni nawu wa mina.

Duteronoma 28:49

HOSI Xikwembu xi ta mi vitanela vanhu va le kule lava vulavulaka ririmi leri mi nga ri twisisiki; va ta ta va huma emakun'wini ya misava, va mi vutla kukota gama.

Amosi 2:14

Lava nga ni rivilo, va nge kumi nkarhi wo tsutsuma, ni lava nga ni matimba, va ta heleriwa ha wona; hambi yi ri nhenha, yi nga ka yi nga tiponisi.

Levhitika 26:36

Lava va nga ta va va ponile exikarhi ka n'wina, ndzi ta endla leswaku va tshama va ri ku chaveni kwale matikweni ya valala va n'wina. Loko va twa xo chakala, va ta suka va tsutsuma wonge vo va eku hlongorisiweni, va wa va nga hlongorisiwi hi munhu.

Yeremiya 16:16

HOSI Xikwembu xi ri: “Yingisa, ndzi le ku rhumeni ka vaphasi va tinhlampfi, va ta kukuta Vaisraele. Lava nga ta pona, ndzi ta va rhumela vahloti va ya va hlota hinkwako, etintshaveni ni le swintshabyanini ni le mabakweni ya maribye.

Swirilo 1:13

“Yi rhumerile ndzilo wu ta hi le henhla, yi wu rhelerisa wu nghena emarhambyini ya mina. Yi ndzi rhiyile hi ntlhamu, yi ndzi wisa ndzi ku gáá; yi ndzi siyile ndzi ri rhumbi, ku ri hava siku leri ndzi tsakaka.

Hosiya 8:3

Kambe va tshika ku endla leswinene, kutani valala va va sala endzhaku.