Swirilo 4:16 - BIBELE Mahungu Lamanene

¹⁶ HOSI Xikwembu xi va hangalasile hi xoxe xi nga ha ri na mhaka na vona, vaprista va nga ha fundzhiwi, ni vakulukumba va nga ha xiximiwi.

Xitsonga (Bibele)

¹⁶ Mombo wa Yehovha wu hangalasile, Evukarini bya yena a nga tlheli a va languta. A va vanga na xichavo eka vaprista, A va tsetselelanga swidyuhati.

Swirilo 4:16 Referans Kwoze

Swirilo 5:12

Tihosana ti boheleriwa mavoko ti hayekiwa, vakulukumba a va ha xiximiwi.

Vaheveru 8:9

Wona wu nga ka wu nga fani ni lowu ndzi wu endleke khale ni vatata wa vona, siku ndzi va khomeke hi voko, ndzi va humesa etikweni ra Egipta. Ntwanano wa mina lowu, va wu tshovile, hikokwalaho a ndza ha tikarhatelanga vona, ku vula Hosi.

Yeremiya 24:9

Ematikweni hinkwawo ndzi ta va hundzula xikombiso xo biha lexi chavisaka; hinkwako lomu ndzi nga ta va hangalasa va ya kona, ndzi ta va hlekurisa hi vanhu, ndzi va endla xihlambanyiso ni xihlekiso ni ndzhukano.

Duteronoma 32:26

“ ‘A ndzi ri ni makungu ya ku va herisa, ku nga sali na un'we loyi vanhu va nga ta va tsundzuka ha yena;

Duteronoma 28:25

“HOSI Xikwembu xi ta mi nyiketa emavokweni ya valala va n'wina va mi hlula. Mi ta va yela mi xaxamerile, kambe mi ta tlhela hi ku tsutsuma mi hangalaka mi ku bàmfée! Khombo leri ri nga ta mi wela ri ta chavisa vanhu va matiko hinkwawo emisaveni.

Yeremiya 15:4

Vanhu lava, ndzi ta va hundzula xihlambanyiso lexo chavisa emahlweni ka vanhu va matiko hinkwawo, hikwalaho ka leswi Manase n'wana Hezekiya hosi ya Yuda a swi endleke eYerusalema.”

Pisalema 106:44

Hambiswiritano, Xikwembu xi va twerile vusiwana eku xanisekeni ka vona, kutani xi yingisa swirilo swa vona.

2 TIKRONIKA 36:17

HOSI Xikwembu xi lerisa hosi ya Vakalediya leswaku yi hlasela va le Yuda. Kutani Vakalediya va dlaya majaha ya le Yuda exivandleni lexo hlawuleka, va dlaya ni vanhwana ni vavanuna ni lava dyuhaleke, va nga tsetseleri na un'we wa vona.

Genesa 49:7

A va rhukaniwe, hikuva va leva, va pfurha, xifafa xa vona xi va endlisa nsele. Ndzi ta va hambanyisa emitini ya Yakobo, ndzi ta va hangalasa etikweni ra Israele.

Yeremiya 52:24

Nebuzaradani ndhuna ya vasirheleri a khoma Seraya muprista lonkulu, ni muprista Sofoniya xandla xa yena, a khoma ni vaprista lavanharhu lava rindzaka tinyangwa ta Tempele.

Swirilo 2:6

Ú hahlurile Tempele ya yena, onge i dladla ra le ntangeni; ndhawu leyi a a gandzeleriwa eka yona, ú yi siyile yi fana ni rhumbi; HOSI Xikwembu xi endlile leswaku va le Siyoni va rivala minkhuvo ya xona ni masiku ya Savata; eku hlundzukeni ka xona lokukulu, xi dlidlimbetile tihosi ni vaprista.

Pisalema 106:27

xi nyiketa ni vana va vona emavokweni ya vanhu vambe, va hangalasiwa ematikweni.

Esaya 24:2

Hinkwavo va ta wela hi khombo rin'we: Vaprista ni vanhu ntsena, mahlonga ni vini va wona, vasati va swifumi ni malandza ya vona ya xisati, vaxavisi ni vaxavi, valombisi ni valombi, van'wankumi ni swisiwana.

Esaya 47:6

A ndzi hlundzukerile vanhu va mina, ndzi nga ha ri na mhaka na vona; ndzi va nyiketile emavokweni ya wena, kambe u va khomile hi tihanyi, u sindzisa ni lava dyuhaleke ku tirha mintirho leyo tika ku tlula mpimo.

Swirilo 2:20

We HOSI Xikwembu, languta u vona leswaku i mani loyi u n'wi endlaka leswi. Xana vamanana va fanele ku tidyela vana lava va va rhandzaka, ke? Xana vaprista ni vaprofeta va fanele ku dlayiwa, va fela exivandleni xa wena lexo hlawuleka xana?

Ezekiele 5:10

Exikarhi ka n'wina, ku ta va ni vatatana van'wana lava nga ta dlaya vana va vona va va dya; naswona ku ta va ni vana van'wana lava nga ta dlaya vatata wa vona va va dya. Kutani lava nga ta pona exikarhi ka n'wina, ndzi ta va hangalasa va ya ematlhelweni hinkwawo ya misava.