Swirilo 3:7 - BIBELE Mahungu Lamanene

⁷ Ú ndzi pfalerile ekhotsweni leswaku ndzi nga baleki, a ndzi bona hi tinketani leto tiya.

Xitsonga (Bibele)

⁷ U ndzi rhendzele hi khumbi leswaku ndzi nga tshuki ndzi huma; U ndzi bohile hi tiketana leto tika.

Swirilo 3:7 Referans Kwoze

Ntirho 19:8

Xikwembu xi hingakanyile ndlela ya mina, xi yi funengetile hi xinyami, ndzi nga ha koti ku hundza.

Ntirho 3:23

Ndzi wanuna la nga lahlekela hi ndlela, hikuva Xikwembu xi yi sivile matlhelo hinkwawo.

Hosiya 2:6

“Hikokwalaho, ndzi ta pfala hi mitwa lomu a taka hi kona, ndzi fumbetela maribye endleleni ya yena, leswaku a nga ha kumi ko hundza ha kona.

Swirilo 1:14

“N'wini wa hinkwaswo ú bohelerile swidyoho swa mina hi voko ra yena, swi hundzuka joko, a ri tlhandleka enhan'wini ya mina, a ndzi heta matimba; a ndzi nyiketa emavokweni ya lava ndzi va chavaka.

Yeremiya 40:4

Namuntlha ndzi ntshunxa tinketani leti va ku boheke mavoko ha tona. Loko u tsakela ku ya na mina le Babilona, a hi fambe ndzi ta ku hlayisa swinene. Kambe loko u nga swi tsakeli, na swona swi lulamile. Titwe u ntshunxekile, u ya laha u rhandzaka ku ya kona.”

Yeremiya 38:6

Kutani va teka Yeremiya va n'wi hoxa ekheleni ra Malikiya n'wana hosi, va n'wi ehlisa kona hi tintambhu. Khele leri a ri ri exivaveni xa varindzi; a ri nga ri na mati, kambe a ri ri ni ndzhope, kutani Yeremiya a bodlhomela endzhopeni.

Pisalema 88:8

U ndzi hambanisile ni tintangha ta mina, hikuva u ndzi hundzurile xilo xa manyala eka vona. Ndzi pfaleriwile laha ndzi tsandzekaka ku baleka.

Daniele 9:12

We HOSI, u hetisisile marito ya wena lawa u nga ma vula ehenhla ka hina ni le henhla ka lava va hi fambisaka, kutani u hi tisele ku xaniseka lokukulu ngopfu. Mhaka yo fana ni leyi yi humeleleke emutini wa Yerusalema, a yi si tshama yi va kona laha misaveni.

Swirilo 5:5

Vaxanisi va hina va hi tshikelela, va hi khayima; hambi hi karhele, a va hi wisisi.

Swirilo 3:9

Ú ndzi pfalela tindlela hi maribye lamakulu, a gombonyokisa budula ra mina.

Pisalema 88:9

Mahlo ya mina ma fehla hikuva ndzi le ku rileni. We HOSI, masiku hinkwawo ndza ku khongela, ndzi tlakusile mavoko.