Swirilo 3:66 - BIBELE Mahungu Lamanene

⁶⁶ we HOSI, va hlundzukele u va hlongorisa, u va herisa, va nyamalala laha misaveni.”

Xitsonga (Bibele)

⁶⁶ U va hlongorisa hi vukari bya wena, Kutani u va herisa ehansi ka matilo, oho Yehovha!”

Swirilo 3:66 Referans Kwoze

Pisalema 8:3

Loko ndzi hlalela matilo lawa tintiho ta wena ti ma vumbeke, ni n'weti, ni tinyeleti leti u ti vekeke evutshan'wini bya tona,

Swirilo 3:43

“Eku hlundzukeni ka wena, u hi tumbelerile, u hi hlongorisa ni ku hi dlayetela u nga tsetseleli.

Yeremiya 10:11

Vanhu lava a va tivisiwe mhaka leyi nge: “Swikwembu leswi nga vumbangiki tilo kumbe misava, swi ta nyamalala kwala misaveni, swi herisiwa ehansi ka tilo!”

Duteronoma 25:19

Hikokwalaho, loko HOSI Xikwembu xa n'wina xi ta va xi mi wisisile ni ku mi sirhelela eka valala va n'wina lava nga ta va va mi rhendzerile matlhelo hinkwawo, etikweni leri xi nga ta mi nyika rona ri va ndzhaka ya n'wina, mi fanele ku herisa Vaamaleke emisaveni, ku nga sali na un'we loyi vanhu va nga ta va tsundzuka ha yena; mi nga yi rivali mhaka leyi.

Esaya 66:1

HOSI Xikwembu xi ri: “Matilo i xiluvelo xa mina, misava i ndhawu leyi ndzi kandziyaka eka yona. Yindlu leyi mi nga ndzi akelaka yona leswaku yi va ndhawu ya mina yo wisela eka yona, xana yi nga va tani hi kwihi xana?

Pisalema 115:16

Matilo i ya HOSI Xikwembu xi ri xoxe, kasi vanhu xi va nyikile misava.

Pisalema 73:15

Kambe loko onge ndzi vulavurile ku fana na vona, a ndzi ta va ndzi dyohele vanhu va wena.

Pisalema 35:6

Laha va taka hi kona, a ku ve ni xinyami ku tlhela ku rheta, loko ntsumi ya HOSI yi ri karhi yi va hlongorisa.

2 TIHOSI 14:27

HOSI Xikwembu a xi nga vulanga leswaku xi lava ku herisa vito ra Israele ehansi ka dyambu, hikokwalaho xi tirhisile Yerobuwamu n'wana Yowasi ku va lamulela.

Duteronoma 29:20

Munhu wo tano, HOSI Xikwembu xi nga ka xi nga n'wi rivaleli; vukari bya xona byi ta pfurha ehenhla ka yena, hikuva xi na rilaveta; ú ta weriwa hi makhombo lama tsariweke ebukwini leyi, ku kondza HOSI Xikwembu xi n'wi herisa, a nyamalalela makumu.

Duteronoma 7:24

Xi ta nyiketa tihosi ta wona emavokweni ya n'wina, kutani mi ta dlaya mavito ya tona ma nyamalala laha misaveni; ku hava munhu loyi a nga ta mi tiyela, ku kondza mi va herisela makumu.

Pisalema 35:5

A va fane ni mungu lowu hahisiwaka hi moya, ntsumi ya HOSI a yi va hangalase.

Yeremiya 15:15

We HOSI, u tiva hinkwaswo. Ndzi anakanye u tikomba eka mina, u rihiseta lava va ndzi xanisaka; u nga ndzi dlayisi hi ku va lehisela mbilu. Wa swi tiva: Vanhu lava va ndzi monya hi mhaka ya wena.

Hosiya 8:3

Kambe va tshika ku endla leswinene, kutani valala va va sala endzhaku.