Swirilo 3:56 - BIBELE Mahungu Lamanene

⁵⁶ U twile xikombelo xa mina loko ndzi te: ‘U nga ali ku twa ku konya ka mina, loko ndzi kombela ku pfuniwa.’

Xitsonga (Bibele)

⁵⁶ “U yingisile rito ra mina, u nga tshuki u siva tindleve ta wena Loko ndzi hefemuteka, ni loko ndzi huwelela eka wena.

Swirilo 3:56 Referans Kwoze

Pisalema 55:1

We Xikwembu, rhiya ndleve u yingisa xikhongelo xa mina; loko ndzi ku kombela, u nga ndzi fularheli.

Ntirho 34:28

Swisiwana leswi va swi xaniseke swi huwelerile, Xikwembu xi twile xirilo xa lava tsongahatiweke.

Varhoma 8:26

Hi mukhuva wolowo Moya na wona wa hi pfuna eku tsaneni ka hina; hikuva a hi tivi ndlela leyi hi fanelaka ku khongela ha yona, kambe Moya, wona ha woxe, wu khongela Xikwembu ematshan'wini ya hina, loko hina hi konya kunene hi nga humesi marito.

Esaya 38:5

“Famba u ya byela Hezekiya leswaku HOSI Xikwembu xa Davhida kokwa wa yena xi vurisa sweswo xi ri: ‘Xikhongelo xa wena ndzi xi twile, ndzi vonile ni mihloti ya wena. Hikokwalaho, ndzi ta engetela vutomi bya wena hi malembe ya 15.

Pisalema 34:6

Munhu un'wana loyi a a ri ekhombyeni, ú huwelerile eka HOSI Xikwembu, kutani xi n'wi twa, xi n'wi ponisa emaxangwini ya yena hinkwawo.

Pisalema 66:19

Kambe Xikwembu xi ndzi yingisile hakunene, xi amukerile xikhongelo xa mina.

Pisalema 3:4

Ndzi tlakusa rito ndzi huwelela eka HOSI, kutani yi ndzi hlamula yi ri entshaveni ya yona leyo hlawuleka.

2 TIKRONIKA 33:19

Naswona, ebukwini ya “Matimu ya Vaprofeta”, ku tsariwile timhaka leti: Ku khongela ka Manase, ni hilaha xikhongelo xa yena xi amukeriweke hi Xikwembu hakona; ku homboloka ka yena ni swidyoho swa yena, loko a nga si titsongahata a tisola; nongonoko wa switsunga leswo hlawuleka leswi a dzimeke eka swona timhandze ta Axera, ni tindhawu leti a nga yimisa eka tona swifaniso swa swikwembu swa hava.

2 TIKRONIKA 33:13

a xi khongela; kutani xona xi n'wi yingisa, xi amukela xirilo xa yena, kutani xi n'wi tlherisela eYerusalema, leswaku a vuyela evuhosini bya yena. Kavaloko Manase a swi vona leswaku HOSI hi yona yi nga Xikwembu.

Pisalema 5:2

Twana ku rila ka mina, wena Hosi yanga ni Xikwembu xanga, hikuva hi wena ndzi ku khongelaka.

Pisalema 5:3

Nimixo, wa ri twa rito ra mina, we HOSI; loko dyambu ri xa, ndzi ku vekela magandzelo hi ndlela ya kona, kutani ndzi langutela ...

Pisalema 55:2

Hundzulukela eka mina, u ndzi hlamula, hikuva maxangu ya mina ma ndzi tshikelela.

Pisalema 55:18

xi ta ndzi lamulela enyimpini leyi ndzi yi lwaka, hikuva lava va ndzi hlaselaka, a hi ku tala ka vona!

Daniele 9:17

Sweswi ke, wena Xikwembu xa hina, amukela ku khongela ka mina nandza wa wena, u yingisa ku rila ka mina, u tlhela u languta hi tintswalo xivandla xa wena lexo hlawuleka, hikuva xi onhakile ngopfu.