Swirilo 3:54 - BIBELE Mahungu Lamanene

⁵⁴ Ndzi mbombomerile ematini, kutani ndzi ku: ‘Yóò, ndzi lovile!’

Xitsonga (Bibele)

⁵⁴ Mati ma khapela enhlokweni ya mina, Kutani a ndzi ku: ‘Ndzi tsemiwile.’

Swirilo 3:54 Referans Kwoze

Ezekiele 37:11

Kutani Xikwembu xi ku ka mina: “Waswivo we Ezekiele, marhambu lawa ma fananisa tiko hinkwaro ra Vaisraele. Vona va rila va ku: ‘Hi lo oma kukota marhambu, a ha ha tshembi nchumu, hi lovile!’

Swirilo 3:18

Sweswi ndzi ri, a ndza ha hanyeli nchumu, a ndza ha ri na leswi ndzi nga swi langutelaka eka HOSI Xikwembu.

Pisalema 18:4

Mapindzi ya rifu a ma ndzi tsondzerile, ni maboboma lama lovisaka a ma ndzi khukhurile.

Pisalema 69:15

U nga pfumeli leswaku maboboma ni magandlati, swi ndzi khubumeta ndzi nyamalala; u nga ndzi tshiki ndzi seleteriwa ekheleni ra vafi.

Pisalema 31:22

Eku chaveni ka mina a ndzi ku: Ndzi yisiwile kule na wena, a wu nga ha ndzi voni! Kasi wena u ndzi twile loko ndzi ku khongela, u twile ku huwelela ka mina loko ndzi kombela ku pfuniwa.

Ntirho 22:11

U le xinyamini, a wu voni nchumu, u mbombomerile exidziveni.

Pisalema 88:16

Vukari bya wena byi le henhla ka mina, ndlela leyi u ndzi hlaselaka ha yona ya ndzi vavisa.

Esaya 53:8

Ú khomiwile hi tihanyi, a avanyisiwa, a susiwa misaveni, vanhu va nga ri na mhaka na yena, kasi a a biwa, a susiwa emisaveni ya lava hanyaka, hikwalaho ka swidyoho swa vanhu va ka hina.

Luka 11:10

hikuva un'wana ni un'wana la kombelaka, wa nyikiwa; la lavaka, wa swi kuma; ku ta pfuleriwa la gongondzaka.