Swirilo 3:11 - BIBELE Mahungu Lamanene

¹¹ Ú ndzi pfalerile tindlela, a ndzi handzulela, a ndzi siya ndzi nga ha pfuni nchumu.

Xitsonga (Bibele)

¹¹ U hambukisile tindlela ta mina; a ndzi handzula; A ndzi endla la kotisaka mananga.

Swirilo 3:11 Referans Kwoze

Hosiya 6:1

“Tanani, hi tlhelela eka HOSI Xikwembu; leswi xi hi handzuleleke, xi ta hi horisa, timbanga leti xi hi boxeke tona, xi ta ti bohelela.

Swirilo 1:13

“Yi rhumerile ndzilo wu ta hi le henhla, yi wu rhelerisa wu nghena emarhambyini ya mina. Yi ndzi rhiyile hi ntlhamu, yi ndzi wisa ndzi ku gáá; yi ndzi siyile ndzi ri rhumbi, ku ri hava siku leri ndzi tsakaka.

Nhlavutelo 18:19

Kutani va ticheletela ritshuri etinhlokweni, va ri karhi va rila va ba nkosi, va huwelela va ku: “Yo! Yo! Khombo ra muti lowukulu, lowu hinkwavo lava a va ri ni tingalava elwandle va nga fumisiwa hi rifuwo ra wona: Hi nkarhinyana ntsena, wu herisiwile.

Matewu 23:38

Vonani, muti wa n'wina wu ta sala wu nga ri na munhu;

Mikiya 5:8

Va ka Yakobo lava saleke exikarhi ka vamatiko, va rhendzeriwa hi vanhu lavo tala, va ta fana ni nghala exikarhi ka swiharhi swa nhova, kumbe n'wana wa nghala entlhambini wa tinyimpfu; laha va taka ha kona, va ta bvanyangeta ni ku phatlulela, ku ri hava munhu loyi a va sivelaka.

Daniele 7:23

“Kutani ndzi hlamuseriwa na leswi: ‘Xivandzana lexa vumune xi komba mfumo wa vumune emisaveni, lowu nga ta hambana ni mimfumo leyin'wana hinkwayo; wu ta mitetela matiko hinkwawo, wu ma kandziyela ni ku ma fayetela.

Yeremiya 32:43

Vanhu va vula leswaku tiko leri ri file, ri pfumala vaaki ni swiharhi, ri wele emavokweni ya Vakalediya; kambe mina ndzi ri, masimu ma ha ta xaviwa eka rona.

Yeremiya 19:8

Muti lowu, ndzi ta wu hundzula rhumbi leri chavisaka ngopfu, kutani vahundzi va ndlela hinkwavo va ta hlakahla tinhloko va hlamala, loko va vona khombo ra wona lerikulu.

Yeremiya 6:8

Wena Yerusalema, amukela ku tshinyiwa; loko swi nga ri tano, ndzi ta ku tshika, ndzi ku hundzula rhumbi, ku nga ha tshami munhu eka wena.”

Yeremiya 5:6

Hikokwalaho ku ta huma nghala exihlahleni yi va dlaya, hlolwa ro ta hi le mananga ri ta va herisa; yingwe leyi tumbeleke kusuhi ni miti ya vona yi ta khoma hinkwavo lava humaka kona, yi va handzulela. Va tivangele sweswo hi ku dyohela HOSI Xikwembu, va xi fularhela minkarhi leyo tala.

Esaya 3:26

Etinyangweni ta wena ku to twala swirilo ni minkosi ntsena; u ta tekeriwa hinkwaswo, u sala u lo gòò!

Pisalema 50:22

N'wina mi ndzi rivaleke, yingisani leswi! Handle ka swona, ndzi ta mi handzulela, ku ri hava ni loyi a nga mi lamulelaka.

Ntirho 16:7

Hakunene Xikwembu xi ndzi hetile matimba, xi herisile va ndyangu wa mina hinkwawo.

Pisalema 143:4

Hikokwalaho mbilu ya mina yi hela ntamu, ndza titivala.

Yeremiya 15:3

“Mina HOSI ndzi lerisile leswaku va herisiwa hi swilo swa mune: Va ta dlawa hi tlhari, timbyana ti kokakoka mintsumbu ya vona, tinyanyana ti yi dya, swiharhi swi hetisa!

Swirilo 3:10

Eka mina ú fana ni xinkankanka lexi xi ndzi bvutameleke, onge i nghala leyi yi ndzi tumbeleleke.