Swirilo 2:3 - BIBELE Mahungu Lamanene

³ Hi ku hlundzuka ka yena lokukulu, ú tshovile matimba hinkwawo ya Vaisraele; a nga va sirhelelanga loko valala va vona va va hlasela; ú pfurherile va ka Yakobo tanihi ndzilo lowu hisaka hinkwaswo leswi nga kusuhi na wona.

Xitsonga (Bibele)

³ U tshovile hi vukari lebyi levaka bya yena matimba hinkwawo ya Israele, A khwanyanisa voko ra yena lera swinene emahlweni ka valala, Kutani a pfurha exikarhi ka Yakobo tanihi langavi ra ndzilo Lowu lovisaka hi matlhelo hinkwawo.

Swirilo 2:3 Referans Kwoze

Pisalema 74:11

U khondlela yini mavoko, u alela yini ku hi lwela ke?

Esaya 42:25

Hikokwalaho, HOSI Xikwembu xi chululerile vukari bya xona lebyi pfurhaka ehenhla ka Vaisraele, xi va vangele ni tinyimpi leto chavisa; vukari bya HOSI Xikwembu byi va rhendzerile, byi va hisa, kambe a va twisisanga nchumu, va tshwile, kambe a swi va dyondzisanga nchumu!

Pisalema 75:10

Xikwembu xi ri: “Ndzi ta herisa matimba ya lavo homboloka, kambe lavo lulama, ndzi ta va engetelela ntamu.”

Pisalema 75:5

Ina, tshikani ku titshemba hi ndlela leyi, mi nga vuli leswaku mi tiye ngopfu, tshikani ku tikukumuxa loko mi vulavula!”

Yeremiya 48:25

Va le Mowabu va herile matimba, ntamu wa vona a wa ha ri kona. Ndzi vula sweswo mina HOSI.”

Pisalema 89:46

We HOSI, xana u ta fihla mombo wa wena hilaha ku nga heriki xana? Xana vukari bya wena byi ta pfurha ku fika rini xana?

Pisalema 79:5

We HOSI, xana u ta hi hlundzukela ku fikela rini? Xana vukari bya wena byi ta pfurha kukota ndzilo hilaha ku nga heriki xana?

Luka 3:17

Rihlelo ri le vokweni ra yena; ú ta hlela swinene hinkwaswo leswi nge xivuyeni xa yena a heta: kutani mavele ú ta ma chela enguleni; kambe mungu wona, ú ta wu hisa endzilweni lowu nga timekiki.”

Luka 1:69

xi hi pfuxele Muponisi wa matimba erixakeni ra Davhida nandza wa xona;

Malakiya 4:1

“Vonani, siku leri pfurhaka kukota langavi ra ta: Lava tikurisaka ni lavo homboloka, va ta hisiwa ku fana ni byanyi. Esikwini rero va ta tshwa, ku nga ha sali na un'we wa mhamba! Ndzi vula sweswo, mina HOSI ya matimba hinkwawo.

Yeremiya 21:14

mina ndzi ri, ndzi ta mi ba, hikuva mintirho ya n'wina yi vekile mihandzu leyo bava. Ndzi ta lumeka tindlu ta n'wina ta le ntsindza, ndzi hisa timhandze ta tona ti tshwa ti hela, ku ta tshwa ni hinkwaswo leswi nga kusuhi na tona.”

Yeremiya 7:20

Hikokwalaho mina HOSI N'wini wa hinkwaswo ndzi vurisa sweswo ndzi ri: Ndzi ta chululela vukari bya mina lebyi pfurhaka ehenhla ka xivandla lexi, ni le henhla ka vanhu ni swifuwo, ni le henhla ka swihlahla ni masimu ni leswi milaka eka wona. Hinkwaswo swi ta tshwa, ndzilo wa kona wu nga timeki!”

Yeremiya 4:4

N'wina vanhu va tiko ra Yuda, na n'wina mi akeke eYerusalema, tinyiketeni eka mina hi mbilu hinkwayo, mi tshika ku tinonon'hwisa. Loko swi nga ri tano, mi ta hisiwa hi vukari bya mina hikwalaho ka mintirho ya n'wina leyo biha; a ku nga vi na loyi a nga ta tima ndzilo wa kona!”

Esaya 1:31

Munhu wa matimba ú ta fana ni mavivi, swiendlo swa yena swi ta fana ni nhlahle ya ndzilo: Ú ta tshwa ni swiendlo swa yena, ku pfumaleka ni mutimeli.

Pisalema 132:17

Ndzi ta tiyisa kona vuhosi bya Davhida, ndzi vona leswaku muhlawuriwa wa mina a nga tekeriwi byona.

Pisalema 89:24

Ku tshembeka ka mina ni rirhandzu ra mina swi ta n'wi seketela; loko a twa vito ra mina u ta tiya nhlana.

Ntirho 16:15

Ndzi tiendlerile swiambalo swa nkosi, ndzi tshama etaleni, ndzi ku gòò!

Duteronoma 32:22

Ku hlundzuka ka mina ku fana ni ndzilo lowu pfurhaka, lowu hisaka swilo ku ya fika exivandleni xa vafi, wu hisa misava yi hela ni leswi nga ka yona, hambi ma ri masungulo ya tintshava ma tshwa.

2 TIKRONIKA 34:25

Va ndzi fularhele; va hisile mirhi ya risuna va hisela swikwembu swimbe. Va ndzi hlundzukisile ngopfu hi mintirho ya vona hinkwayo. Hikokwalaho ndzi ta chululela vukari bya mina endhawini leyi, ku ta pfumaleka ni loyi a nga byi timaka.”

Swirilo 1:13

“Yi rhumerile ndzilo wu ta hi le henhla, yi wu rhelerisa wu nghena emarhambyini ya mina. Yi ndzi rhiyile hi ntlhamu, yi ndzi wisa ndzi ku gáá; yi ndzi siyile ndzi ri rhumbi, ku ri hava siku leri ndzi tsakaka.

Swirilo 4:11

HOSI Xikwembu xi hetisisile makungu ya ku hlundzuka ka xona, xi chulurile ndzilo wa vukari bya xona, wu hisa muti wa Siyoni, wu herisa ni masungulo ya wona.

Ezekiele 7:14

Mhalamhala yi biwile, mavuthu hinkwawo ma hlomile matlhari, kambe a ku humi munhu a ya enyimpini, hikuva vukari bya mina HOSI byi le henhla ka mintshungu ya Vaisraele.”

Ezekiele 13:13

“Mina HOSI N'wini wa hinkwaswo, ndzi ri: Eku hlundzukeni ka mina, ndzi ta vanga bubutsa ni mpfula leyikulu ni xihangu xo chavisa, swi onhetela khumbi leri akiweke.

Nahume 1:6

Xana i mani la nga tiyaka emahlweni ka vukari bya yona xana? Ku hlundzuka ka yona loku pfurhaka, ku nga tiyela hi mani xana? Vukari bya yona bya hangalaka ku fana ni ritshwa, maribye ma fayeka loko yi humelela.