Swirilo 2:18 - BIBELE Mahungu Lamanene

¹⁸ Tlakusa rito u rila eka N'wini wa hinkwaswo, wena muti wa Siyoni; mihloti ya wena a yi khuluke vusiku ni nhlekanhi tanihi boboma; mahlo ya wena ma nga tshuki ma wisa, u nga tshiki ku rila!

Xitsonga (Bibele)

¹⁸ Timbilu ta vona ti huwelerile eka Hosi. Rirhangu ra nhwanyana wa Siyoni, halata mihloti nhlekanhi ni vusiku u kotisa nambu! U nga tshuki u lava ku wisa, Tihlo ra wena ri nga tshuki ri tshika ku rila.

Swirilo 2:18 Referans Kwoze

Pisalema 119:145

We HOSI, ndzi huwelela eka wena hi mbilu ya mina hinkwayo! Ndzi hlamule, kutani ndzi ta hlayisa milawu ya wena.

Swirilo 2:8

HOSI Xikwembu xi bohile makungu ya ku mbundzumuxa rirhangu ra muti wa Siyoni, xi tlhela xi gandletela, xi nga tsetseleri; rirhangu ni swihondzo swa rona, xi endle leswaku swi chela gome, hikuva swi fayeteriwile.

Swirilo 1:16

“Timhaka leti ti ndzi vavisa mbilu, mahlo ya mina ma xiririka mihloti, hikuva loyi a ndzi tiyisaka, loyi a a ta ndzi nyika matimba, ú le kule na mina. Vana va mina va le ku vavisekeni, hikuva nala ú ndzi hlurile.”

Yeremiya 9:1

Loko ingi nhloko ya mina yi nga tala mati, ni mahlo ya mina ma nga va xihlovo xa mihloti: Vusiku ni nhlekanhi a ndzi ta tlhava mukhosi, ndzi rila vanhu va ka hina lava dlayiweke.

Pisalema 119:136

Mahlo ya mina ma tenga-tenga mihloti, hikuva vanhu a va hlayisi nawu wa wena.

Habakuku 2:11

Hambi ma ri maribye ya le makhumbini, ma ta ku mangalela hi xirilo xa wona, timhandze ta lwangu ti ri karhi ti hlamulana na wona.

Hosiya 7:14

Loko va rila emasangwini ya vona, ni loko va tixekelela, va kombela mavele ni vhinyo, a va huweleli eka mina hi mbilu hinkwayo, va le ku ndzi fularheleni.

Swirilo 1:2

Nivusiku Yerusalema ú rila hi xiviti, mihloti yi xiririka emarhameni. Exikarhi ka lava khale a a rhandzana na vona, ku pfumaleka ni un'we wo n'wi miyeta; hinkwavo lava khale a va ri vanghana va yena, namuntlha va hundzuke valala eka yena, va n'wi xisa.

Yeremiya 14:17

Xikwembu xi ndzi lerisile ku tivisa vanhu xirilo xa mina lexi nge: Mihloti ya mina yi khuluka yi nga yimi vusiku ni nhlekanhi, hikuva vanhu va ka hina va humeleriwe hi khombo lerikulu, va boxiwe mbanga yo chavisa.

Yeremiya 13:17

Loko mi ala ku yingisa, ndzi ta ya rila exihundleni hikwalaho ka ku tikurisa ka n'wina; ndzi ta rila hi xiviti ndzi halata mihloti, hikuva vanhu va HOSI Xikwembu va yisiwile evukhumbini.

Yeremiya 4:31

Ndzi twa munhu la konyaka ku fana ni wansati loyi a nga ku velekeni ka n'wana wa yena wa mativula. I Siyoni la heleriwaka hi moya; ú tshambuluta mavoko a ku: “Ndzi lamuleleni! Valala va lava ku ndzi dlaya!”