Swirilo 1:6 - BIBELE Mahungu Lamanene

⁶ Vukosi hinkwabyo byi sukile eSiyoni, wona muti wo saseka. Tihosana ta wona sweswi ti fana ni timbavala leti pfumalaka madyelo: Ti tsutsuma lava va ti hlongorisaka, ti nga ri na matimba.

Xitsonga (Bibele)

⁶ Vubombi hinkwabyo bya nhwanyana wa Siyoni byi herile, Vakulu va yena va fana ni tinhongo Leti nga voniki madyelo, Leti balekaka emahlweni ka lava ti hlongorisaka, ti heleriwe hi matimba.

Swirilo 1:6 Referans Kwoze

Ezekiele 24:25

HOSI Xikwembu xi engeta xi ku ka mina: “Wena Ezekiele, tiva leswaku siku ri le kusuhi leri ndzi nga ta tekela Vaisraele ekhokholo ra vona, yona Tempele leyi va tiyaka ni ku tidzunisa ha yona, leyi va yi rhandzaka swinene ni ku yi anakanya minkarhi hinkwayo; ri fikile siku leri vana va vona va xinuna ni va xisati va nga ta dlayiwa ha rona.

Ezekiele 24:21

Hikokwalaho, yingisani n'wina Vaisraele! HOSI N'wini wa hinkwaswo ú ndzi byerile ku mi fikisela mahungu ya yena lawa ya nge: ‘Tempele ya mina, yona leyi mi tiyaka ni ku tidzunisa ha vona, yona leyi mi yi rhandzaka swinene ni ku yi anakanya minkarhi hinkwayo, ndzi ta yi onha. Vana va n'wina va xinuna ni va xisati lava saleke eYerusalema, va ta dlawa hi matlhari.

Yeremiya 52:13

A hisa yindlu ya HOSI Xikwembu ni tindlu ta le ntsindza, ni tindlu tin'wana ta Yerusalema, ngopfu-ngopfu tindlu hinkwato ta vanhu lavo chaviseka.

Yeremiya 52:11

Va boxa mahlo ya Sedekiyasi, va n'wi boha milenge hi tinketani, kutani hosi ya Babilona yi n'wi yisa etikweni ra yona, yi n'wi pfalela ekhotsweni, a tshama kona a kondza a fa.

Yeremiya 48:41

Miti yi ta tekiwa, makhokholo ma hlaseriwa, kutani enkarhini wolowo tinhenha ta Vamowabu ti ta chava kukota wansati loyi a nga ku tintshunxeni.

Yeremiya 47:3

Loko va twa huwa ya tihanci leti paletelaka ritshuri, ni vugedle-gedle bya makalichi ya nyimpi, ni vuntswikiri-ntswikiri bya mavhilwa ya kona, vavanuna va ta tsemeka nhlana hi ku chava, va rivala ni ku sirhelela vana va vona.

Yeremiya 29:4

“HOSI ya matimba hinkwawo Xikwembu xa Israele, xi byela n'wina hinkwenu lava xi mi suseke eYerusalema ni ku mi yisa evukhumbini le Babilona, xi ri:

Yeremiya 13:18

HOSI Xikwembu xi ku ka mina: “Byela hosi ya tiko ni mana wa yona leswaku va suka exiluvelweni va tshama ehansi, hikuva harhi ya vona yo saseka ya vuhosi yi susiwile etinhlokweni ta vona.

Esaya 12:6

Banani minkulungwana, mi tsaka, n'wina vaaki va Siyoni, hikuva Xikwembu lexikulu, xona Muhlawuleki wa Israele, xi tshama exikarhi ka n'wina.”

Esaya 4:5

Muti hinkwawo lowu nga ntshaveni ya Siyoni, ni hinkwako laha vanhu va hlengeletanaka kona, HOSI Xikwembu xi ta swi funengeta hi papa ninhlekanhi, nivusiku xi ta swi funengeta hi musi ni ndzilo lowu pfurhaka. Ku kwetsima ka HOSI Xikwembu ku ta va xisirhelelo lexi khubumetaka muti matlhelo hinkwawo.

Esaya 1:21

Muti wo tshembeka, wo lulama ngopfu, sweswi wu hundzuke nghwavava! Muti lowu a wu tshama lavo lulama sweswi i kaya ra vadlayi!

Pisalema 96:9

Korhamani emahlweni ka xona loko xi humelela eku kwetsimeni ka xona, n'wina vanhu va misava hinkwayo, xi kombeni xichavo.

Pisalema 50:2

Xikwembu xi komba ku vonakala ka xona lokukulu, xi ri emutini wo saseka ngopfu wa Siyoni.

2 TIHOSI 19:21

Kutani rito ra mina HOSI ehenhla ka Senakeribi, hi leri: “ ‘Muti wa Siyoni, nhwana loyi wo saseka, wa ku hleka ni ku ku monya, we Senakeribi. Va Yerusalema va sala va tshwutela marha loko u hundzile.

Duteronoma 32:30

Xana munhu a nga hlongorisa vanhu va gidi a ri yexe xana? Hambi vanhu vambirhi va nga hlula vanhu va khume ra magidi ke? E-e, sweswo swi nga endleka ntsena loko HOSI Xikwembu, Ribye ra vona leri tiyeke, xi lo va tshika, xi va fularhela.

Duteronoma 28:25

“HOSI Xikwembu xi ta mi nyiketa emavokweni ya valala va n'wina va mi hlula. Mi ta va yela mi xaxamerile, kambe mi ta tlhela hi ku tsutsuma mi hangalaka mi ku bàmfée! Khombo leri ri nga ta mi wela ri ta chavisa vanhu va matiko hinkwawo emisaveni.

2 TIHOSI 25:4

rirhangu ra muti ri boxiwa. Hambileswi mavuthu ya Vakalediya a ma rhendzerile muti, hosi Sedekiyasi ni masocha ya yena hinkwawo va kotile ku baleka nivusiku, hi le nyangweni leyi a yi ri xikarhi ka makhumbi mambirhi, kusuhi ni ntanga wa hosi, kutani va tsutsuma hi ndlela leyi kongomaka enkoveni wa Yordani.

2 TIHOSI 25:5

Kambe mavuthu ya Vakalediya ma hlongorisa hosi Sedekiyasi, ma ya n'wi kuma erivaleni ra le Yeriko; kutani masocha hinkwawo ya yena ma hangalaka ma n'wi siya.