Swirilo 1:12 - BIBELE Mahungu Lamanene

¹² “N'wina hinkwenu vahundzi va ndlela, xana swilo leswi a swi vuli nchumu eka n'wina xana? Xiyaxiyani mi vona loko ku ri ni munhu la nga ni nhlomulo wo fana ni wa mina, lowu HOSI yi ndzi vangeleke wona siku leri yi ndzi hlundzukeleke ha rona.

Xitsonga (Bibele)

¹² “Xana a hi nchumu eka n'wina hinkwenu lava mi fambaka endleleni! Tsundzukani, mi vona loko ku vaviseka ku ri kona loku fanaka ni loku ndzi humeleleke, Loku Yehovha a nga ndzi vavisa hakona Esikwini ra vukari lebyi pfurhaka bya yena.

Swirilo 1:12 Referans Kwoze

Daniele 9:12

We HOSI, u hetisisile marito ya wena lawa u nga ma vula ehenhla ka hina ni le henhla ka lava va hi fambisaka, kutani u hi tisele ku xaniseka lokukulu ngopfu. Mhaka yo fana ni leyi yi humeleleke emutini wa Yerusalema, a yi si tshama yi va kona laha misaveni.

Yeremiya 30:24

Ku hlundzuka ka HOSI Xikwembu ku ta pfurha ku nga heli, xi ko xi hetisa leswi xi swi boheke emakungwini ya xona. Eminkarhini leyi taka, hi kona mi nga ta swi twisisa.

Yeremiya 18:16

Hikokwalaho tiko ra vona ri hundzuke rhumbi, hinkwavo vahundzi va ndlela va ri hlamala, minkarhi hinkwayo va vaviseka ha rona, va hlakahla ni tinhloko.

Matewu 24:21

hikuva nhlomulo wu ta va lowukulu enkarhini wolowo; nhlomulo lowo tano a wu si va kona hi mpfhuka misava yi tumbulukile ku fikela namuntlha, naswona a wu nga ha vi kona ni siku ni rin'we.

Swirilo 2:13

We Yerusalema, xana ndzi nga vula yini hi wena ke? Khombo ra wena ndzi nga ri fanisa ni ra mani xana? A nga kona la tshamaka a vaviseka ku fana na wena, loyi ndzi nga ku tiyisaka hi ku ku komba yena. Wena Siyoni, nhwana wo saseka, ku onhaka ka wena i kukulu kukotisa lwandle, ku hava loyi a nga tlhelaka a ku pfuxa.

Esaya 13:13

Siku mina HOSI ya matimba hinkwawo ndzi nga ta pfurha hi ku hlundzuka, vukari bya mina byi ta ninginisa matilo, ni misava yi ta tsekatseka yi suka evutshan'wini bya yona.

Pisalema 88:16

Vukari bya wena byi le henhla ka mina, ndlela leyi u ndzi hlaselaka ha yona ya ndzi vavisa.

Yeremiya 4:8

Hikokwalaho ambalani swiambalo leswo khwaxa, tlhavani mukhosi mi rila, hikuva vukari bya HOSI Xikwembu bya pfurha, a hi nga poni eka byona!

Yeremiya 30:7

Nkarhi wa maxangu lamakulu wa ta, a ku si humelela wo fana na wona. I nkarhi wa ku xaniseka ka va ka Yakobo, kambe eku heteleleni va ta ponisiwa eka wona.

Yeremiya 30:23

Vukari bya HOSI Xikwembu bya vonaka, hi lebyi! Byi fana ni xihuhuri lexi pfukaka, xi hunga etinhlokweni ta lavo homboloka.

Yeremiya 48:27

N'wina va le Mowabu, tsundzukani hilaha mi hlekuleke Vaisraele hakona: Loko mi kanela ta vona, a mi hlakahla tinhloko, onge hi loko mi vulavula hi ta swigevenga!

Swirilo 1:18

“HOSI yi lulamile, a yi hoxanga: Nandzu wu na mina ndzi nga tlula ku lerisa ka yona. N'wina vanhu hinkwenu, yingisani, mi languta ni maxangu ya mina. Vanhwana va mina ni majaha ya mina va yisiwile evukhumbini.

Yuwele 2:2

Siku ra kona ri to va ra munyama, ri to khwìxìì! ri ta va siku ra mapapa ni hunguva! Ku ni vanhu lavo tala va matimba, lava khubumeteke tintshava ku fana ni xinyami; vo fana na vona a va si tshama va voniwa, naswona endzhaku ka vona a ku nga ha voniwi vo tano, hilaha ku nga heriki.

Yeremiya 10:19

Muti wa Yerusalema wu hlamula wu ku: “Yóò, ndzi file minoo! Mbanga ya mina i ntsandza-vatshunguri. A ndzi ku, i ndzhwalo wa mina, ndzi ta wu byarha.

Swirilo 2:1

Yóò! Eku hlundzukeni ka yena, N'wini wa hinkwaswo ú funengetile Siyoni hi munyama. Yena loyi a nga tilweni, ú susumetele hansi ku dzuneka ka Israele. Hi siku ra ku kariha ka yena, ú fularherile muti wa Siyoni lowu khale a a tikomba eka wona.