Sofoniya 3:9 - BIBELE Mahungu Lamanene

⁹ “Enkarhini wolowo, ndzi ta tlhela ndzi nyika vamatiko milomo leyi tengeke, leswaku hinkwavo va khongela mina HOSI, va ndzi tirhela hi ku twanana;

Xitsonga (Bibele)

⁹ “Hikuva, esikwini lero, ndzi ta hundzula milomu ya matiko, yi va leyi tengeke, ma ta vitana hinkwawo vito ra Yehovha, ma n'wi tirhela hi mbilu yi ri yin'we.

Sofoniya 3:9 Referans Kwoze

Genesa 11:1

Khale vanhu hinkwavo emisaveni a va vulavula ririmi rin'we, leri a ri ri ni marito yo fana.

Esaya 19:18

Enkarhini wolowo, etikweni ra Egipta, ku ta va ni miti ya ntlhanu leyi vaaki va yona va nga ta vulavula Xiheveru, va tiboha ku tirhela HOSI ya matimba hinkwawo. Wun'wana wa miti leyi wu ta vuriwa “Muti-wa-Dyambu”.

Pisalema 22:27

Vanhu vo huma ematikweni hinkwawo va ta tsundzuka HOSI Xikwembu, va ta eka xona, vanhu va tinxaka hinkwato va ta xi nkhinsamela.

Zakariya 2:11

Hi siku rolero, vanhu va matiko layo tala va ta ndzi namarhela mina HOSI, kutani va ta endla tiko ra mina va aka exikarhi ka n'wina!” Enkarhini wolowo mi ta swi tiva leswaku HOSI ya matimba hinkwawo, hi yona yi ndzi rhumeke eka n'wina.

Habakuku 2:14

Ina, kutani lava tivaka ku dzuneka ka HOSI va ta tata misava, ku fana ni mati lama funengetaka hinkwako elwandle.

Vaefesa 4:29

Eku vulavuleni ka n'wina mi nga tshuki mi tirhisa marito ya tingana, kambe tirhisani ntsena marito lama pfunaka, lama akisaka ni ku hlamula leswi lavekaka, kutani ku vulavula ka n'wina ku ta tisa nkateko eka lava va mi yingisaka.

Matewu 12:35

Munhu lonene ú humesa swilo leswinene exumeni xa yena lexinene, kambe munhu lowo biha ú humesa leswo biha exumeni xa yena lexo biha.

Zakariya 14:9

HOSI Xikwembu xi ta fuma misava hinkwayo, xi ta va Xikwembu xi ri xoxe; hi siku rero, ku ta gandzeriwa xona ntsena.

Nhlavutelo 11:15

Hiloko ntsumi ya vu-7 yi chaya nanga ya yona, kutani ku twakala ni marito lama huwelelaka hi le tilweni ma ku: “Matimba ya ku fuma misava, sweswi ma nyikiwile Hosi ya hina ni Mesiya wa yona, kutani ú ta fuma hilaha ku nga heriki.”

Sofoniya 2:11

HOSI Xikwembu xi ta va ba hi ndlela yo chavisa, swikwembu hinkwaswo leswi nga misaveni, xi ta swi tsongahata, kutani vanhu va tinxaka hinkwato va ta xi nkhinsamela ematikweni ya vona.

Yeremiya 16:19

We HOSI, u ntamu wa mina ni khokholo ranga, enkarhini wa maxangu ndzi tumbela eka wena. Vanhu va tinxaka hinkwato va ta ta eka wena, va huma ematlhelo hinkwawo ya misava, va ta fika va ku: “Ndzhaka ya vatata wa hina i mavunwa ntsena, swikwembu swa vona a swi pfuni nchumu.

Pisalema 113:3

Vito ra HOSI a ri dzunisiwe ku sukela evuxeni ku ya fika evupeladyambu.

Genesa 4:26

Seta na yena a kuma n'wana wa mufana, kutani a n'wi thya vito ra Enosi. Enkarhini wa kona, vanhu va sungula ku khongela HOSI Xikwembu hi vito ra xona.

Esaya 57:19

Hinkwavo lava nga kona etikweni, ni lava nga matikweni ya le kule, ndzi ta va nyika ku rhula ka mina HOSI; vanhu va mina, ndzi ta va hanyisa.

Ezekiele 37:17

Tinhonga leti, ti hlanganise evokweni ra wena ti endla nhonga yin'we.

Esaya 6:7

Kutani yi khumba nomo wa mina yi ku: “Ndzilo lowu wu khumbile milomo ya wena; hikokwalaho vubihi bya wena byi herisiwile, u rivaleriwile ni swidyoho swa wena.”