Sofoniya 3:20 - BIBELE Mahungu Lamanene

²⁰ Enkarhini wolowo, ndzi ta mi hlengeleta, ndzi mi tlherisela ekaya; ndzi ta endla leswaku vanhu va misava hinkwayo va mi kurisa ni ku mi dzunisa, ndzi tlhela ndzi mi katekisa mi ri karhi mi swi vona. Ndzi vurisa sweswo, mina HOSI!”

Xitsonga (Bibele)

²⁰ Enkarhini wolowo, ndzi ta mi tisa, ndzi mi hlengeleta hi nkarhi wolowo; hikuva ndzi ta mi endla lava twaleke ni lava dzunisiwaka exikarhi ka vanhu hinkwavo va misava, siku ndzi vuyisaka vakhomiwa va n'wina emahlweni ka n'wina,” ku vula Yehovha.

Sofoniya 3:20 Referans Kwoze

Malakiya 3:12

Kutani vanhu va matiko hinkwawo va ta mi vula lava katekeke, hikuva mi ta va mi ri tiko ro tsakisa. Ndzi vula sweswo mina HOSI ya matimba hinkwawo.”

Esaya 56:5

ndzi ta va nyika leswo saseka ku tlula ku va ni vana va xinuna ni va xisati, ri nga ribye ra xitsundzuxo leri tsariweke mavito ya vona, ri vekiwa endzeni ka Tempele ya mina, kutani va nga ka va nga rivariwi ni siku ni rin'we.

Sofoniya 3:19

Enkarhini wolowo, ndzi ta ba hinkwavo lava va mi xanisaka; ndzi ta ponisa lava lamaleke, lava hlongoriweke, ndzi ta va hlengeleta, tingana ta vona ti ta hundzuka ntsako, ndhuma ya vona yi ta tiveka emisaveni hinkwayo.

Amosi 9:14

Ndzi ta tlhela ndzi katekisa vanhu va mina va Israele, va ta pfuxa marhumbi ya miti ya vona, va tshama eka yona. Va ta byala tivhinya, va nwa vhinyo ya kona, va ta rima mintanga, va dya ntshovelo wa yona.

Yuwele 3:1

“Swi tiveni! Loko masiku ma fika, enkarhini lowu ndzi nga ta pfuxa tiko ra Yuda ni muti wa Yerusalema,

Ezekiele 34:16

Ndzi ta lava leti lahlekeke, ndzi vuyisa leti nga hambuka endleleni: ndzi ta bohelela leti khwitaka, ndzi tiyisa leti tsaneke, kambe leti noneke ni leti tiyeke, ndzi ta vona leswaku ti nga karhati letin'wana. Eku riseni ka mina, ndzi ta tirha hi ku lulama!

Esaya 60:15

“Hambileswi a wu tshikiwile, u tlhela u nyenyiwa, ku pfumala na un'we la hundzaka hi le ka wena, sweswi ndzi ta ku nyika ku dzuneka loku nga heriki; u ta tsakisa vanhu va minkarhi hinkwayo.

Sofoniya 2:7

Tiko leri ri ta tekiwa hi va le Yuda lava poneke; va ta risela kona swifuwo swa vona; namadyambu va ta ya etlela etindlwini ta le Axikeloni, hikuva HOSI Xikwembu xa vona xi ta va tsetselela, xi tlhela xi va katekisa.

Ezekiele 39:28

Vaisraele va ta tiva leswaku hi mina ndzi nga HOSI, Xikwembu xa vona, hikuva ndzi ta va ndzi va hlengeletile, ndzi va vuyisa etikweni ra vona, ku nga sali na un'we wa vona ematikweni ya vanhu vambe, laha a ndzi va yisile evukhumbini kona.

Ezekiele 37:21

kutani u va byela leswaku mina HOSI N'wini wa hinkwaswo ndzi ri, ndzi ta hlengeleta Vaisraele va huma ematikweni hinkwawo lawa va hangalasiweke va ya eka wona, ndzi va vuyisa etikweni ra vona.

Ezekiele 28:25

HOSI N'wini wa hinkwaswo ú vurisa sweswo ú ri: “Ndzi ta hlengeleta Vaisraele va huma ematikweni lawa va hangalasiweke va ya eka wona; ndzi ta komba ku hlawuleka ka mina exikarhi ka vona, vamatiko va ri karhi va swi vona, kutani va ta tshama etikweni leri ndzi ri nyikeke nandza wa mina Yakobo, ri va ra vona.

Esaya 66:22

“Vana va n'wina ni vito ra n'wina, a swi nga nyamalali; swi ta va kona ku fana ni matilo lamantshwa ni misava leyintshwa, leswi ndzi nga ta swi endla.

Esaya 61:9

Vana ni vatukulu va vona va ta tiviwa hi vanhu va matiko hinkwawo; hinkwavo lava va nga ta va vona va ta swi tiva leswaku i vanhu lava mina HOSI ndzi nga va katekisa.”

Pisalema 35:6

Laha va taka hi kona, a ku ve ni xinyami ku tlhela ku rheta, loko ntsumi ya HOSI yi ri karhi yi va hlongorisa.

Ezekiele 37:12

Hikokwalaho vulavula na vona, u va byela leswaku mina HOSI N'wini wa hinkwaswo ndzi ni rito eka vona leri nge: ‘Yingisani n'wina vanhu va mina! Ndzi ta mi pfuxa, ndzi mi humesa emasirheni ya n'wina, ndzi mi vuyisa kaya ka n'wina etikweni ra Israele.

Esaya 62:12

Vaaki va wena Yerusalema va ta vuriwa “Vahlawuriwa”, “Vakutsuriwa-va-HOSI”; wena u ta vuriwa “La-tsakeriwaka”, “Muti-lowu-nga-tshikiwangiki”!

Ezekiele 16:53

“Ndzi ta tlhela ndzi katekisa vamakwenu, ku nga Sodoma ni swimitana swa yena na Samariya ni swimitana swa yena; kutani na wena ndzi ta tlhela ndzi ku katekisa ku fana na vona,

Esaya 62:7

Mi nga tshiki HOSI Xikwembu xi wisa, ku kondza loko xi ta va xi nyikile Yerusalema xiyimo lexintshwa, wu va muti lowu dzunisiwaka emisaveni hinkwayo.

Esaya 56:8

HOSI N'wini wa hinkwaswo la hlengeletaka vanhu hinkwavo lava susiweke etikweni ra Israele, ú vurisa sweswo, ú ri: “Ehandle ka lava va hlengeletiweke, ndza ha ta tisa van'wana!”

Duteronoma 26:18

Na xona HOSI Xikwembu, namuntlha xi tiyisile leswaku mi vanhu va xona va xiviri, hilaha xi tshembiseke hakona, ni leswaku mi fanele ku hlayisa swileriso swa xona hinkwaswo;

Duteronoma 26:19

kutani xi ta mi kurisa, mi tlula matiko hinkwawo lawa xi ma endleke, hi ku dzuneka ni ku tiveka ni ku twakala; hi ndlela leyi mi ta va vanhu lava HOSI Xikwembu xa n'wina xi nga tihlawulela vona, leswaku mi va va xona hilaha xi tshembiseke hakona.”

Yeremiya 30:3

hikuva nkarhi wa ta lowu ndzi nga ta tlhela ndzi katekisa vanhu va mina, va nga vona Vaisraele ni va ka Yuda. Ndzi ta va vuyisa etikweni leri ndzi ri nyikeke vatata wa vona, kutani va ta ri teka ri va ra vona; ndzi vula sweswo mina HOSI.”

Ezekiele 39:13

Vaisraele hinkwavo va ta lahla Gogo ni vanhu va yena, kutani siku ndzi kombaka ku dzuneka ka mina, na vona Vaisraele va ta dzunisiwa; ndzi vula sweswo mina HOSI N'wini wa hinkwaswo.

Zakariya 8:8

Ndzi ta va vuyisa va ta tshama eYerusalema; va ta va vanhu va mina, mina ndzi va Xikwembu xa vona xo lulama, lexi tshembekaka.”

Yeremiya 23:3

Kutani masalela ya vanhu va mina, ndzi ta ma hlengeleta hi ndzexe. Va ta huma ematikweni hinkwawo lawa ndzi va hlongoleke va ya eka wona, kutani ndzi ta va vuyisa etikweni ra vona, laha va nga ta tshamiseka, va kuma vana lavo tala.

Yeremiya 33:9

Loko vanhu va misava hinkwayo va twa hinkwaswo leswinene leswi ndzi swi endlelaka va le Yerusalema, va ta ndzi tsakela, va ndzi dzunisa ni ku ndzi twarisa; loko va vona ku kateka ni ku rhula loku ndzi ku tiselaka Yerusalema, va ta hlamala va ndzi komba xichavo.’ ”

Mikiya 2:12

“N'wina va ka Yakobo, ndzi ta tlhela ndzi mi hlengeleta hinkwenu, ndzi vula n'wina masalela ya Vaisraele; ndzi ta mi vuyisa endhawini yin'we ku fana ni tinyimpfu etshangeni, mi ta fana ni ntlhambi emadyelweni ya wona, etikweni ra n'wina ku ta twala huwa ya vanhu lavo tala.”

Mikiya 4:7

Lava lamaleke, va ta va masalela ya mina, lava hlongoriweke, ndzi ta va endla rixaka ra matimba; kutani mina HOSI ndzi ta va mufumi wa vona entshaveni ya Siyoni, ku sukela sweswi ni hilaha ku nga heriki.

Zakariya 8:13

N'wina va le Yuda na n'wina Vaisraele, mi vile lava rhuketeriweke exikarhi ka vamatiko, kambe sweswi ndzi ta mi ponisa mi hundzuka nkateko ematikweni; hikokwalaho mi nga chavi, tirhani mi tiyile!”