Sofoniya 3:12 - BIBELE Mahungu Lamanene

¹² Exikarhi ka n'wina, ndzi ta siya vanhu lava titsongahataka, lava nga titshembiki. Mina ndzi ta va khokholo ra vona.

Xitsonga (Bibele)

¹² Ndzi ta siya vanhu lava tsongahaleke, lava swisiwana exikarhi ka wena, kutani va ta tshemba vito ra Yehovha.

Sofoniya 3:12 Referans Kwoze

Esaya 14:32

Lava nga ta rhumiwa hi Vafilista, va ta hlamuriwa yini xana. “HOSI Xikwembu hi xona xi simekeke muti wa Siyoni, vanhu va xona lava xanisekaka, va ta tsutsuma va ya tumbela eka wona.”

Nahume 1:7

HOSI Xikwembu i Xikwembu lexinene, i khokholo hi siku ra khombo; xi hlayisa lava chavelaka eka xona.

Matewu 5:3

“Ku katekile swisiwana emoyeni, hikuva Mfumo wa matilo i wa swona.

Esaya 50:10

Hinkwenu n'wina lava chavaka HOSI Xikwembu, lava yingisaka swileriso swa mina nandza wa xona hambiloko mi famba lomu ko chavisa, laha ku nga ni makhombo, tiyiselani eka HOSI Xikwembu xa n'wina, mi tshemba xona ntsena.

Yakobo 2:5

Yingisani vamakwerhu lava rhandzekaka: Xana Xikwembu a xi hlawulanga lava nga swisiwana emisaveni leyi leswaku va va lava fuweke hi tlhelo ra ku pfumela xana? Xana a xi va hlawulelanga ku dya ndzhaka ya Mfumo lowu xi wu tshembiseke lava va xi rhandzaka xana?

1 Petro 1:21

Hikwalaho ka yena, mi ni ku tshemba eka Xikwembu, lexi xi n'wi pfuxeke exikarhi ka vafi, xi n'wi nyika ku dzuneka, ku endlela leswaku ku pfumela ka n'wina ni ku tshemba ka n'wina swi va eka Xikwembu.

Varhoma 15:12

Kambe-kambe, Esaya a ku: “Hluke ra Yese ri ta ta, yena loyi a humelelaka ku ta fuma matiko; eka yena, vamatiko va ta va ni ku langutela.”

Matewu 12:21

a kondza a khanisa ku avanyisa loko lulama, kutani vamatiko va ta tshemba vito ra yena.”

Matewu 11:5

Lavo-fe-mahlo va tlhela va vona, swilema swa famba, vanhlokonho va basisiwa, lavo-fe-tindleve va twa, vafi va pfuka, swisiwana swi byeriwa Mahungu Lamanene.

Zakariya 11:11

Kunene ntwanano wa kona wu onhiwa hi siku rolero, kutani vaxavi va tinyimpfu lava a va ndzi langutile, va swi vona leswaku mhaka leyi yi huma eka HOSI Xikwembu.

Pisalema 37:40

HOSI Xikwembu xa va pfuna ni ku va kutsula, xi va lamulela eka lavo homboloka, xi va ponisa; lavo lulama va sirheleriwa hi xona.

Esaya 14:30

Kambe Vaisraele, hambi lava nga swisiwana ngopfu, va ta kuma swakudya, ni lava pfumalaka swa le mandleni va ta etlela va hlayisekile. Loko mi ri n'wina Vafilista, ndzi ta mi herisa hi ndlala; lava nga ta pona, va ta dlaya hi vanhu.

Zakariya 11:7

Hi mukhuva wolowo ndzi hundzukile murisi wa tinyimpfu leti vaxavi va tona a va ti yisa eku dlayiweni. Kutani ndzi lavile tinhonga timbirhi, yin'wana ndzi yi thya vito ra “Musa”, leyin'wana ndzi yi thya vito ra “Vuxaka”, kutani ndzi nghena eku riseni ka tinyimpfu ta kona.

Ezra 9:8

Kambe masikunyana lawa, wena HOSI Xikwembu xa hina u hi kombile tintswalo hi ku hi siyela masalela, ni ku hi endlela vutshamo endhawini ya wena leyo hlawuleka, leswaku u ta hi hanyisa ni ku hi vevukisela ndzhwalo wa vuhlonga.

Esaya 6:13

Hambiloko eka ntlawa wun'wana ni wun'wana wa vanhu va khume ku nga sala munhu un'we, vanhu lava ndzi ta va herisa; va ta fana ni murhi lowukulu wa nkuhlu lowu weke, ku sala xikundzu ntsena.” Xikundzu lexi i mbewu leyo hlawuleka.

Esaya 29:19

HOSI Xikwembu xi ta tlhela xi nyika vapfumari ntsako lowu hetisekeke, swisiwana swi ta kuma ku tsaka eka Muhlawuleki wa Israele.

Yeremiya 17:7

“Kambe ku katekile munhu loyi a ndzi tshembaka mina HOSI, loyi a tiseketelaka hi mina.

Yeremiya 50:20

Loko minkarhi leyi yi ta va yi fikile, vanhu va nge koti ku kuma nandzu kumbe xihoxo exikarhi ka Vaisraele ni va ka Yuda, hambiloko va ringeta swinene; ku ta va ku ri hava, hikuva ndzi ta va ndzi tsetselerile masalela ya vona, ndzi va rivalela swidyoho swa vona.”

Ezekiele 6:8

“Hambiswiritano, ndzi ta tshika van'wana va n'wina va hanya; va ta pona ku dlawa, va hangalasiwa va ya ematikweni mambe,

Mikiya 5:6

va ta hlula Asiriya, tiko ra va ka Nimrodo, va ri fuma hi matlhari. Loko Vaasiriya va ringeta ku nghena etikweni ra hina, murhangeri wa hina ú ta hi lwela.