Sofoniya 1:9 - BIBELE Mahungu Lamanene

⁹ Hi siku rero, ndzi ta ba hinkwavo lava chavaka ku khandziya xihukuva xa yindlu ya n'wini wa vona, kambe va nga chavi ku nghenisa endlwini leyi leswi va swi kumeke hi tihanyi ni vuxisi.”

Xitsonga (Bibele)

⁹ kambe, esikwini lero, ndzi ta tshinya hinkwavo lava tlulaka mhandze ya le nyangweni, lava tataka yindlu ya hosi ya vona hi leswi phangiweke hi vuhuruhuru ni ku xisa.”

Sofoniya 1:9 Referans Kwoze

1 SAMIELE 5:5

(Hi swona leswi endlaka leswaku, ku fikela siku ra namuntlha, vaprista va Dagona ni hinkwavo lava nghenaka tempeleni ya yena le Axidodo, va nga kandziyi xihukuva, kambe va tlula kunene.)

Amosi 3:10

HOSI yi vula sweswo yi ri: “Vanhu va Samariya a va swi tivi ku endla leswo lulama, va tata tindlu ta vona ta vuhosi hi swilo leswi va swi kumeke hi tihanyi ni vuxisi.”

Timhaka 16:19

Loko vini va wanhwana va vona leswaku va lahlekeriwe hi bindzu leri a va ri languterile, va khoma Pawulo na Silasi, va va kokela ehubyeni, emahlweni ka tindhuna;

Swivuriso 29:12

Mufumi loyi a yingiselaka mavunwa, vatsundzuxi va yena hinkwavo va ta hundzuka vahembi.

Nehemiya 5:15

Tindhunankulu leti fumeke loko ndzi nga si ta, a ti tikisela vanhu vutomi; a ti lava swakudya na vhinyo, ehandle ka mali leyi a yi humesiwa ya tisilivhere ta 40. Hambi ma ri malandza ya tona a ma xanisa vanhu; mina sweswo a ndzi swi endlanga hikuva ndzi chava Xikwembu.

Vaavanyisi 19:27

Loko nuna wa yena a pfuka nimixo, a pfula rivanti leswaku a ta huma a famba, o kuma nsati wa yena a etlele kwala nyangweni, a khomelele xihukuva.

Yeremiya 5:27

Tindlu ta vona ti tele hi swa vukanganyisi, tanihi xirhundzu lexi taleke hi tinyanyana leti phasiweke. Vanhu lava va fumile ngopfu,

Mikiya 6:12

Van'wankumi va muti lowu va tele tihanyi, vaaki va wona vo dzumbela ku hembelana ni ku kanganyisana.

Zakariya 5:6

Mina ndzi ku: “I xilo muni xexo ke?” Ntsumi yi ku: “Lexi taka i ngula, yi rhwele ku navela loko biha ka vanhu va tiko hinkwaro.”