Sofoniya 1:7 - BIBELE Mahungu Lamanene

⁷ Miyelani emahlweni ka HOSI N'wini wa hinkwaswo, hikuva siku ra yena ri le kusuhi; ú lulamisile magandzelo, a hlawulekisa ni lava a va rhambeke.

Xitsonga (Bibele)

⁷ Miyelani emahlweni ka Hosi Yehovha! Hikuva siku ra Yehovha ri tshinele; hikuva Yehovha u lunghise xitlhavelo, u basisile lava a va viteke.

Sofoniya 1:7 Referans Kwoze

Habakuku 2:20

Kambe HOSI yi le ndlwini ya yona leyo hlawuleka; misava hinkwayo a yi miyele hi xichavo emahlweni ka yona, yi ku whíí!

Zakariya 2:13

N'wina swivumbiwa hinkwaswo miyelani emahlweni ka HOSI Xikwembu, hikuva xi le kusuhi ni ku tikomba xi huma evutshan'wini bya xona lebyo hlawuleka.

Sofoniya 1:14

Siku lerikulu ra HOSI Xikwembu ra ta, ra tshinela, ri ta hi ku hatlisa; mpfumawulo wa rona wa chavisa, hambi yi ri nhenha, yi ta ba nyandayeyo.

Yeremiya 46:10

Siku leri i ra HOSI ya matimba hinkwawo N'wini wa hina, i siku ra yena ro rihiseta, a tirhihisela eka valala va yena. Matlhari ma ta tlhavetela vanhu ma kolwa, ma pyopyiwa hi ku nwa ngati ya vona. Hakunene, enambyeni wa Yufrata le n'walungwini, HOSI ya matimba hinkwawo N'wini wa hina ú endleriwa magandzelo ya ngati.

Esaya 34:6

Fumu ra HOSI Xikwembu ri ta xurha hi ngati, ri ntonta ni mafurha, wonge ri lo tlhava tinyimpfu ni timbuti, ri endla magandzelo hi ngati ni mafurha ya kona. HOSI Xikwembu xi lava ku endla magandzelo eBosira, xi dlayetela vanhu etikweni ra Edomu.

Esaya 13:6

Banani nkalanga, hikuva siku ra HOSI ri le kusuhi, ra ta siku leri HOSI, Xikwembu xa matimba hinkwawo, xi nga ta herisa swilo ha rona.

Matewu 22:4

Yi engeta yi rhuma malandza man'wana, yi ku: ‘Tivisani lava rhambiweke, mi ku: Maswivo, ndzi lunghisile swakudya swa mina; tihavi ta mina ni swifuwo swo nona swa mina swi tlhaviwile; swilo hinkwaswo swi lunghisiwile, tanani enkhubyeni.’

Yuwele 2:31

Dyambu ri ta fihliwa hi munyama, ni n'weti wu ta tshwuka ku fana ni ngati, siku lerikulu ro chavisa ra mina ri nga si fika.

Esaya 2:12

HOSI ya matimba hinkwawo yi na rona siku leri yi nga ta ba lava titshembaka ni ku tidzunisa, yi tsongahata ni lava tikurisaka.

1 SAMIELE 16:5

Yena a va hlamula a ku: “Hi ku rhula ntsena! Ndzi tele ku humesela HOSI Xikwembu egandzelo. Tibasiseni leswaku mi ta va na mina egandzelweni.” Kutani Samiele a basisa Yese ni majaha ya yena, a va rhamba egandzelweni.

Malakiya 4:1

“Vonani, siku leri pfurhaka kukota langavi ra ta: Lava tikurisaka ni lavo homboloka, va ta hisiwa ku fana ni byanyi. Esikwini rero va ta tshwa, ku nga ha sali na un'we wa mhamba! Ndzi vula sweswo, mina HOSI ya matimba hinkwawo.

Amosi 6:10

Kutani loko munhu a ya humesa ntsumbu wa xaka ra yena endlwini ku ya wu hisa, ú ta vutisa loyi a nga ta va a ri ndlwini empfungwe, a ku: “Xana a ka ha ri na ntsumbu wun'wana kwalaho xana?” Yena ú ta hlamula a ku: “Ku hava!” a engeta a ku: “Miyela! U nga ha vulavuli u khumba vito ra HOSI!”

Yuwele 2:11

Emahlweni ka mavuthu ya xona, HOSI Xikwembu xo huwelela kunene, hikuva vandla ra xona ri kurile ku tlula mpimo, ri ni matimba, vandla leri ri endlaka swileriso swa xona. Siku ra HOSI i rikulu, ra chavisa; xana ri ta tiyeriwa hi mani xana?

Ezekiele 7:10

“Vonani nkarhi wa ta, ni sweswi wu fikile, nkarhi wa ku herisiwa ka Vaisraele, hikuva va tsakela ngopfu ku xanisa van'wana, ni ku tikurisa ka vona ku ya ku engeteleka.

Ezekiele 7:7

N'wina vaaki va tiko, ku hela ka n'wina ku fikile, nkarhi wa kona hi wona lowu; ri tile siku ra mpfilumpfilu, ni ra ku hela ka minkulungwana emagangeni.

Esaya 6:5

Kutani ndzi ku: “Yo, ndzi lovile, mina munhu wa milomo ya thyaka la tshamaka ni vanhu va milomo ya thyaka, hikuva ndzi vonile Hosi, xona Xikwembu xa matimba hinkwawo!”

Vakolosa 1:12

Naswona, nkhensani Tatana, loyi a endleke leswaku na n'wina mi averiwa ndzhaka ya vahlawuriwa, eku fumeni ka ku vonakala.

Vafilipiya 4:5

Vunene bya n'wina a byi tiviwe hi vanhu hinkwavo; Hosi yi le kusuhi.

Varhoma 9:20

Kasi u mani, wena munhu, ku phikisana ni Xikwembu? Xana lexi vumbiwaka xi nga hundzuka xi vutisa muvumbi wa xona xi ku: “U ndzi vumbisele yini sweswo” xana?

Varhoma 3:19

Ha swi tiva leswaku hinkwaswo leswi Nawu wu vulaka swona, swi kongoma lava nge hansi ka wona, leswaku vanhu hinkwavo va pfariwa milomo, ni leswaku misava hinkwayo yi yisiwa eku avanyisiweni emahlweni ka Xikwembu.

Pisalema 46:10

Xikwembu xi ri: “Tshikani matlhari! Swi tiveni leswaku hi mina Xikwembu. Ndzi le henhla ka vanhu hinkwavo, misava hinkwayo yi fuma hi mina.”

1 SAMIELE 20:26

Hi siku rero, Sawulo a nga vulanga nchumu, hikuva a a ku: “Davhida ú lo tshuka a humelela hi swin'wana; ú ta va a nga basanga; kutani xi nga va xi ri xona xivangelo.”

Ntirho 24:1

“Hikwalaho ka yini Xikwembu-xa-matimba-hinkwawo xi nga tivekeli minkarhi yo ba vadyohi, ni lava va xi tivaka va siveriwa ha yini ku vona minkarhi ya kona xana?

Esaya 13:3

Ndzi lerisile masocha ya mina lama tilulamiseke swinene, ndzi vitanile tinhenha ta mina leti lwelaka vukulukumba bya mina, leswaku ti hlasela lava va ndzi karihelaka.”

Esaya 29:2

kutani mina HOSI, ndzi ta vangela muti wa Ariele emaxangu, eka wona, ku ta twala nkosi ni swirilo ntsena, muti lowu, ndzi ta wu endla “Ariele” hakunene.

Esaya 34:5

HOSI Xikwembu xi hlomurile fumu ra xona ematilweni, xi lava ku xika xi tlhava Vaedomu, va nga vanhu lava xi tiyimiseleke ku va herisela makumu.

Yuwele 1:15

Yo! Siku ra kona! Siku ra HOSI ri le kusuhi; ra ta siku leri Xikwembu-xa-matimba-hinkwawo xi nga ta herisa swilo ha rona.

Amosi 8:3

Hi siku ra kona, tinsimu ta le ntsindza ti ta hundzuka swirilo. Ndzi vula sweswo, mina HOSI N'wini wa hinkwaswo. Mintsumbu yi ta tala swinene. Etindhawini hinkwato va ta yi cukumetela ehandle, va miyerile.”

Zakariya 14:1

We Yerusalema, siku ra ku kariha ka HOSI Xikwembu ra ta, leri valala va nga ta avelana leswi va swi phangheke eka wena.