Sofoniya 1:18 - BIBELE Mahungu Lamanene

¹⁸ Esikwini leri HOSI Xikwembu xi nga ta karihela vanhu, silivhere ya vona ni nsuku wa vona swi nge va ponisi; ndzilo wa rilondzo ra xona wu ta herisa misava hinkwayo; vaaki va yona hinkwavo va ta lovisiwa hi ku copeta ka tihlo.

Xitsonga (Bibele)

¹⁸ Na yona silivhere ya vona, hambi wu ri nsuku wa vona, swi nga ka swi nga koti ku va lamulela esikwini ra vukari bya Yehovha; kambe tiko hinkwaro ri ta hisiwa hi ndzilo wa rilondzo ra yena; hikuva u ta herisa, a va a lovisa vaaki hinkwavo va misava hi xipuku.

Sofoniya 1:18 Referans Kwoze

Sofoniya 3:8

“Hikokwalaho, ndzi languteleni, mi yimela siku leri ndzi nga ta suka ndzi yima, ndzi vula nandzu wa n'wina. Makungu ya mina i ku hlengeleta vanhu va matiko ni va mimfumo hinkwayo, leswaku ndzi chela ku hlundzuka ka mina ehenhla ka vona, ndzi va hisa hi vukari bya mina lebyi pfurhaka, hikuva misava hinkwayo yi ta hisiwa endzilweni wa rilondzo ra mina.”

Ezekiele 7:19

Va ta cukumeta silivhere ya vona etaleni, nsuku wa vona wu hundzuka thyaka; rifuwo leri ra vona ri nge va kutsuli esikwini leri ndzi nga ta va hlundzukela mina HOSI; a va nga koti ku dya rona va xurha, va nge tati makhwiri ya vona ha rona. Hakunene, silivhere ni nsuku hi swona leswi swi va dyohiseke:

Swivuriso 11:4

Esikwini ra ku hlundzuka ka HOSI Xikwembu, rifuwo a ri pfuni nchumu, kambe ku lulama ku ponisa vutomi bya munhu.

Matewu 16:26

Hikokwalaho loko munhu a kota ku fuwa misava hinkwayo, kambe a lahlekeriwa hi vutomi bya yena, swi ta va swi n'wi pfune yini ke? Kumbe munhu ú ta humesa yini ku xava vutomi bya yena xana?

Genesa 6:7

kutani xi ku: “Ndzi ta herisa vanhu lava ndzi va tumbuluxeke laha misaveni, ni swiharhi, ni swikokovi, ni tinyanyana. Ndza tilaya, leswi ndzi vumbeke swilo leswi.”

Sofoniya 1:15

Siku rero ri ta va ra vukari, ra makhombo ni ku xaniseka, ra ku mbundzumuxela ni ku herisa; ri ta va ni munyama, ri to khwìxìì, siku ra mapapa yo chavisa ni hunguva.

Sofoniya 1:11

N'wina vaaki va le nkoveni, rilani, hikuva ntlawa wa van'wamabindzu a wa ha ri kona, ni hinkwavo lava xavisaka silivhere, va herisiwile.

Ezekiele 16:38

Ndzi ta ku ba ku fana ni loko va ba wansati la osweke kumbe la dlayeke munhu. Eku hlundzukeni ka mina ni le ku vavisekeni ka mina, ndzi ta halata ngati ya wena ndzi ku dlaya.

Yeremiya 9:11

HOSI Xikwembu xi ri: “Muti wa Yerusalema ndzi ta wu endla rhumbi, wu ta hundzuka bako ra timhungubye; miti ya tiko ra Yuda ndzi ta yi hundzula mananga, a ku nga ha tshami munhu eka yona.”

Yeremiya 7:20

Hikokwalaho mina HOSI N'wini wa hinkwaswo ndzi vurisa sweswo ndzi ri: Ndzi ta chululela vukari bya mina lebyi pfurhaka ehenhla ka xivandla lexi, ni le henhla ka vanhu ni swifuwo, ni le henhla ka swihlahla ni masimu ni leswi milaka eka wona. Hinkwaswo swi ta tshwa, ndzilo wa kona wu nga timeki!”

Esaya 1:24

Hikokwalaho, HOSI ya matimba hinkwawo, N'wini wa hinkwaswo ni Ntamu wa Israele, ú vurisa sweswo, ú ri: “Khombo! Ndzi ta chululela vukari bya mina ehenhla ka lava va ndzi vengaka; lava lwaka na mina, ndzi ta tirihisela eka vona.

Pisalema 78:58

Va hlundzukisile Xikwembu hi switsunga swa vona swa vukhongeri bya hava; va xi tlhave mbilu hi ku tivatlela swikwembu swa vona swa swifaniso.

1 TIHOSI 14:22

Vanhu va tiko ra Yuda va endla leswo biha emahlweni ka HOSI Xikwembu. Va xi vilerisa hi swidyoho swa vona, ku tlula vakokwa wa vona hinkwavo.

Duteronoma 31:17

Loko vo endla sweswo, ndzi ta va hlundzukela swinene, ndzi va tshika, ndzi nga ha vi na mhaka na vona, kutani va ta herisiwa. Va ta humelela hi leswo biha ni makhombo layo tala, va kondza va ku: ‘Hi humeleriwa hi makhombo lawa hikuva HOSI Xikwembu a xa ha ri kona exikarhi ka hina.’

Swivuriso 18:11

Khokholo ra n'wankumi i rifuwo ra yena, ú ehleketa leswaku i rirhangu leri n'wi sirhelelaka.

Pisalema 79:5

We HOSI, xana u ta hi hlundzukela ku fikela rini? Xana vukari bya wena byi ta pfurha kukota ndzilo hilaha ku nga heriki xana?

Ntirho 21:30

Va ri, munhu wo homboloka wa pona emakhombyeni, siku Xikwembu xi hlundzukaka, yena wa tsetseleriwa.

1 Vakorinto 10:22

Xana hi lava ku hlundzukisa Hosi ke? Xana ha yi tlula hi matimba ke?

Yeremiya 7:34

Tiko leri ndzi ta ri hundzula mananga: Tinsimu ta ntsako ni ta minkhuvo ya vukati a ti nga ha twiwi emitini ya Yuda ni le magondzweni ya Yerusalema.

Ezekiele 7:5

HOSI N'wini wa hinkwaswo ú vurisa sweswo ú ri: “Khombo lerikulu ra ta, ri le ndleleni.

Ezekiele 7:11

Kambe tihanyi ta vona ti ta va vangela maxangu layo chavisa, a ku nga poni na un'we wa vona; mintshungu ya vona yi ta hangalaka, ni mpfumawulo wa kona wu ta miyetiwa; vukosi bya vona byi ta hela byi ku bi!

Ezekiele 23:25

Ndzi ta komba leswaku ndzi ku hlundzukerile hi ku va tshika va ku xanisa swinene: Va ta ku tsema nhompfu ni tindleve, va dlaya ni lava nga ta sala ka wena. Va ta khoma vana va wena va xinuna ni va xisati, va herisa vatukulu va wena hi ndzilo.

Sofoniya 2:2

mi nga si hlongoriwa, mi nyamalala kukota mungu, mi nga si hisiwa hi vukari lebyi pfurhaka bya HOSI Xikwembu, siku ra ku kariha ka xona ri nga si mi fikela.

Ntirho 3:15

A ndzi ta tshama ni lavakulu lava a va ri ni nsuku khale, lava a va tatile tindlu ta vona hi silivhere.

Esaya 10:3

Xana mi ta endla yini siku mi nga ta biwa, loko xihuhuri xo huma kule xi mi tela xana? Xana mi ta tsutsumela kwihi, rifuwo ra n'wina mi ta ri siya na mani ke?

Esaya 10:17

Loyi a nga ku vonakala ka Vaisraele ú ta hundzuka ndzilo, Muhlawuleki wa vona ú ta va langavi leri nga ta hisa mitwa ni swigatlu swa Vaasiriya, swi hela hi siku rin'we.