Risimu ra Tinsimu 7:9 - BIBELE Mahungu Lamanene

⁹ Onge ku ntswontswa ka wena ku nga fana ni vhinyo leyo tsokombela leyi rhelelaka khwatsi emilon'weni ni le menweni.

Xitsonga (Bibele)

⁹ A ndzi ku: Ndzi ta khandziya murhi wa ncindzu, Ndzi ta khoma marhavi ya wona! Mavele ya wena a ma ve tani hi swidzumba swa vhinya, Ni ku nun'hwela ka ku hefemula ka wena, tani hi ku nun'hwela ka maapula!

Risimu ra Tinsimu 7:9 Referans Kwoze

Risimu ra Tinsimu 5:16

Ku vulavula ka yena ku tsokombela ngopfu, vuyena byakwe hinkwabyo bya rhandzeka swinene. N'wina vanhwanyana va Yerusalema, loyi hi yena murhandziwa wa mina, yena munghana wanga.

Nhlavutelo 14:13

Kutani ndzi twa rito ri huma etilweni ri ku: “Tsala leswi: Ku katekile vafi lava ku sukela sweswi va felaka eHosini!” Moya na wona wu ri: “Ina, va katekile, hikuva va phyuphya emikarhalweni ya vona, kutani mintirho ya vona yi ta va landzela.”

Vaheveru 13:15

Loko swi ri tano, a hi humeseni magandzelo masiku hinkwawo ha yena Yesu, hi dzunisa Xikwembu ha wona, hi ri karhi hi vonga vito ra xona hi marito lama humaka emilon'weni ya hina.

Vakolosa 4:6

Ku vulavula ka n'wina a ku ve lokunene, loku nandzihaka masiku hinkwawo, mi ta tiva hilaha mi fanelaka ku hlamula un'wana ni un'wana hakona.

Vaefesa 4:29

Eku vulavuleni ka n'wina mi nga tshuki mi tirhisa marito ya tingana, kambe tirhisani ntsena marito lama pfunaka, lama akisaka ni ku hlamula leswi lavekaka, kutani ku vulavula ka n'wina ku ta tisa nkateko eka lava va mi yingisaka.

Varhoma 13:11

Endlani leswi, hikuva mi tiva leswaku i nkarhi wihi sweswi: Hi wona nkarhi wa n'wina wa ku pfuka evurhongweni; hikuva namuntlha, ku ponisiwa ku kusuhi ku tlula siku hi pfumeleke.

Risimu ra Tinsimu 5:2

A ndzi etlele, kambe mbilu a yi nga ri kona evurhongweni. Ndzi twa ku gongondza ka murhandziwa: Ú ri: “Ndzi pfulele murhandziwa, we xiluva xanga, wena xituvana xa mina lexi hetisekeke, hikuva nhloko ya mina yi tsakamile hi mberha, misisi ya mina yi thoneriwile hi mathonsi ya vusiku.”

Risimu ra Tinsimu 2:14

Wena xituvana xa mina, lexi tumbelaka emaribyeni ni le mabakweni ya riwa, u nge, ndzi vona nghohe ya wena; vulavula, ndzi ku twa, hikuva rito ra wena ra tsokombela, ni nghohe ya wena yi xongile.

Swivuriso 16:24

Marito lama tsakisaka ma fana ni xihlenge xa vulombe, lexi nandzihaka enon'weni, xi tlhela xi tiyisa miri.

Swivuriso 23:31

Ku tshwuka ka vhinyo, ni ku vangama ka yona exinwelweni, ni ku nandziha ka yona enon'weni, swi nga ku kanganyisi,