Risimu ra Tinsimu 7:2 - BIBELE Mahungu Lamanene

² Nkava wa wena i xinkambana xa xirhendzewutana, lexi tshamaka xi ri ni vhinyo leyo nandziha. Khwiri ra wena i nhulu ya koroni leyi rhendzeriweke hi swiluva.

Xitsonga (Bibele)

² Milenge ya wena yi sasekile swonghasi etintanghwini ta wena, n'wana hosi! Swirhendzevutana swa ndzhumbi wa wena swi fana ni masindza, Lowu nga ntirho wa tintlhari.

Risimu ra Tinsimu 7:2 Referans Kwoze

Varhoma 7:4

Swi nga leswi ke, vamakwerhu, na n'wina mi file hi tlhelo ra Nawu, hikuva mi endla miri wun'we na Kriste; swi vula leswaku mi va un'wana, a nga yena loyi a pfuxiweke exikarhi ka vafi leswaku hi tswala mihandzu leyi tsakisaka Xikwembu.

Yeremiya 1:5

“Ndzi ku tivile ndzi nga si ku vumba ekhwirini ra mana wa wena; ndzi ku hlawurile u nga si velekiwa, ndzi ku veka leswaku u va muprofeta wa vamatiko.”

Esaya 46:3

HOSI Xikwembu xi ri: “N'wina va ka Yakobo, ndzi lombeni tindleve, ndzi vula n'wina hinkwenu masalela ya Vaisraele: Hi mina ndzi mi rhwaleke ku sukela loko mi velekiwile, ku sukela loko mi vile kona, hi mina ndzi mi tlakuleke.

Risimu ra Tinsimu 5:14

Mavoko ya yena i nsuku lowu vumbekeke, lowu sasekisiweke hi maribye ya nkoka. Miri wa yena wu rhetela ku fana ni matino ya ndlopfu, lama nameketiweke maribye ya nkoka ya safiri.

Swivuriso 3:8

Leswi, swi ta horisa miri wa wena, swi tiyisa ni marhambu ya wena.

Pisalema 45:16

We hosi, vana va wena va ta tshama exiluvelweni xa vatata wa wena, u ta va veka tindhuna etikweni hinkwaro.

Risimu ra Tinsimu 7:1

Loko u ambele tintanghu, we nhwana, ú fana ni nkosikazi, milenge ya wena a hi ku saseka ka yona. Tinyonga ta wena ti vumbekile ku fana ni maribye layo xonga, lama vatliweke hi loyi a swi kotaka.

Risimu ra Tinsimu 7:3

Mavele ya wena hi vumbirhi bya wona ma fana ni swimbavalana swimbirhi, leswi tswariweke siku rin'we.